Mako 8:38 - Livulu lya Shukulu Kalunga

³⁸ Nga munu akanjizivila shwamwa na vilongesa vyange akati ka cisemwa eci ca vupangala na vuvi, asinoni Muna Munu lalo nendi akamuzivila shwamwa omo akaija mu vumpau vwa Ishe amo na tungelo vakujela.”

Mako 8:38 Iomraidhean Croise

Ndanyele 7:10

co tuhya twakele nakutundililako oku twezoka ngwe mema a mu ndonga. Vanu vavangi-vangi vamupangelele. Co vanu vakupwa 1,000,000 vemanene kulutwe lwendi mukumupangela. Vashangumukile kusompa, co vafukwile mavulu.

Ndanyele 7:13

Mu cimona cange ku simbu ya vutsiki, njamwene umo wakulifwa ngwe munu. Ikeye wakele nakushwenya kuli yange, co mashelwa amuzengelekele, co waile kuli uje wakala ku myaka yoshe.

Zakaliya 14:5

Co yeni mukatewela mu cimbongo eci caangununa munkinda mu mitambela ivali. Mukatewa ngwe muvatewele vakukulwila veni omo lifuti lyajajele a simbu ya Mwene Uziya wa mu Yunda. Shukulu Kalunga Njambi yange akaija, akaija amo na tungelo twendi vakujela.

Mateo 12:39

Oloni wavakumbulwile ngwendi, “Vanu vavavi va matangwa ano vakujeneka kukulaela vashaka lika cizivukiso, oloni cizivukiso nacimo cai mukamona kuvanga lika cizivukiso ca Yona muka-kwimanena.

Mateo 13:41

Muna Munu akatuma tungelo twendi, co vakakungulula vyuma vyoshe vije vikanene vuvi na vaje voshe vaka-kulinga vuvi nakuvatundisa mu Vumwene vwendi.

Mateo 16:27

Omwo Muna Munu akaija mu vumpau vwa Ishe amo na tungelo twendi, co asinoni akana kuli munu na munu fweto yendi kupwisa ngwe ku vipangi vyendi.

Mateo 16:28

Mwa vushunga njimileka ngwange, kuvali vamo kuno kuvakatsi kuvanga vanamono Muna Munu alinakwija mu vumwene vwendi.”

Mateo 16:4

Yeni vanu va muyati wauvi vaka-kujeneka kukulaela! Yeni mwihula lika ngeci njimileke cizivukiso ndi? Embwe! Kuvanga cizivukiso ca Yona lika.” Ngecivene, wavasezele waile.

Mateo 24:30

Asinoni cizivukiso ca Muna Munu cikasholoka mwilu, co miyati yoshe ya ano asi vakalila mbimbi-mitwe omo vakamona Muna Munu alinakwija a mashelwa na nzili na vumpau vwakama.

Mateo 25:31

“Omo Muna Munu akaija mu vumpau vwendi amo na tungelo twendi voshe, akatumbama a litanda lyendi lya vumwene.

Mateo 26:64

Yesu wamukumbulwile ngwendi, “Muunendeka mukemwo vene. Oloni njimileka muvavoshe ngwange, tunde a simbu ino mukamona Muna Munu natumbama ku livoko lya cilyo lya Muka-nzili yoshe, alinakwija a mashelwa!”

Mateo 8:20

Yesu wamukumbulwile ngwendi, “Vimbanje vali na mena, co lalo tuzila vali na mashwa, oloni Muna Munu kesi naa akusatela mutwe wendi.”

Mako 13:26

Asinoni Muna Munu akasholoka, akaija a mashelwa na nzili yakama na vumpau.

Mako 14:62

Co Yesu wamukumbulwile ngwendi, “Yange vene, co yeni voshe mukamona Muna Munu natumbama ku livoko lya cilyo lya Muka-nzili yoshe, co alinakwija a mashelwa!”

Mako 8:37

Omwo cuma mukajo munu asa kwingisa mu mwonyo wendi?

Luka 19:26

Ikeye wavakumbulwile ngwendi, ‘Mwa vushunga njimileka ngwange, uje alinavyo vakamuwezelelako, oloni uje kesi navyo, nameme vene vije vyavindondo vyalinavyo vakamutambulavyo.

Luka 9:26

Nga munu anjizivila shwamwa na vilongesa vyange, co na Muna Munu lalo nendi akamuzivila shwamwa omo akaija mu vumpau vwendi na mu vumpau vwa Ishe na mu vumpau vwa tungelo vakujela.

Yowano 1:14

Co Lijwi lyemukile munu, lyashulile na kutetela navushunga, co lyakele akati ketu. Twamwene vumpau vwendi, vumpau vuje vwaatambwile akupwa mwana umolika wa Ishe.

Yowano 1:51

Co Yesu wendekele kuli vakevo ngwendi, “Mwa vushunga njimileka ngwange, mukamona lilu linashokoloka, co na tungelo va Njambi valonda nakushuluka ali Muna Munu.”

Yowano 12:34

Ije mbunga vakumbulwile ngwavo, “Lishiko lyetu lituleka ngeci Wakuvwavesa akayoya myaka yoshe. Vatijo yove wendeka ngwove Muna Munu vanapande kumujundula? Iyajo ou Muna Munu?”

Yowano 5:27

Co naana Mwana moko yakusompa, omwo napu Muna Munu.

Vilinga vya Miluwa 10:22

Co vakumbulwile ngwavo, “Ntwama wa mashwalale Konelyase ikeye natutumu kuno. Ikeye munalume wamuvwa muka-kulemesa Njambi, co lalo vaYunda voshe vamusingimika. Kangelo ka Njambi wamulekele kukulanya uye ku njuvo yendi ngeci akazive vije viwukendeka.”

Vilinga vya Miluwa 5:41

Asinoni omo miluwa vasezele ije Munga, vavwaelelele manene omwo Njambi wavayongwelele kuyanda nakushauka omwo lizina lya Yesu.

Loma 1:16

Omwo kunjesi na shwamwa mukwambulula muzimbu wauvwa, unapu nzili ya Njambi yakwovola voshe vaje vakulaela, akulivanga kuli vaYunda, co lalo na kuli vaje kesi vaYunda.

Ngalatiya 6:14

Ngwe ali yange, nameme ngoco, yange njikalyalesa lika a cilindakano ca Mwene yetu Yesu Kilistu, omwo a cilindakano cendi kaye kanatsi kuli yange, co yange lalo njinatsi ku kaye.

Kwituluka mu Mashiko 33:2

Wendekele ngwendi, “Shukulu Kalunga watundile a Munkinda wa Sinai, watuukile na vumpau vwendi, ngwe litangwa akamwa ya Endome, watwililile ceke ali vanu vendi oku ali a Munkinda wa Palane. Co wakele amo na tungelo 1,000, tuhya twashukumine mu livoko lyendi lya cilyo.

1 Tesalonika 2:19

Ngecivene, munapu yeni, kesi veka embwe, vaje vanapu cinyangavili cetu nakujolela kwetu na kulyalesa kwetu akuhyana ku mesho a Mwene Yesu omo akaija.

1 Tesalonika 3:13

Mu ngila eyi akamitakamesa, co mukapwa vakulambasa na vaka-kujela ku mesho a Njambi yetu na Tatetu omo Mwene yetu Yesu akaija na voshe vaje vanakundama kuli ikeye.

2 Timateo 1:12

eci cikeco cilinakunjilingisa ngeci njiyande. Oloni kunjesi na shwamwa embwe, omwo njinazivuka uje njinakulaela, co njazivuka mwa vushunga ngwange ikeye asa kunyunga mwamuvwa vije vyananjikundika noo ku Litangwa lije.

2 Timateo 1:16

Mwene amimwesa mema ku mbunge ku naanga ya Onesifolase, omwo ikeye visimbu vyavingi wanjivwaelelesele. Kazivile shwamwa omo yange njili mu kamenga,

2 Timateo 1:8

Ngecivene, kesi uzive shwamwa yakwambulula vukaleo vwa Mwene yetu, nambe kesi ukale na shwamwa ali yange, cinzinda omwo ali Kilistu. Oloni ambatako mutambela mukuyandela Vin̄anda Vyavivwa, ngwe omo Njambi akwana nzili yakuvilinga.

VaHevelu 11:16

Oloni vakele na sholovya ya lifuti lyalivwa, lifuti lya mwilu. Ngecivene, Njambi kesi na shwamwa omo vamutumbula ngwavo ikeye Njambi yavo, omwo navavwaesela nganda yavo.

VaHevelu 11:26

Wacimwene ngeci tuyando na kayengu ka ali uje Wakuvwavesa vili kulutwe manene kutuvakana vufuko vwa mu Ingito, omwo wakengele mesho endi a cikandelela cije ca kulutwe.

VaHevelu 13:13

Ngecivene, ijeni tuye kuli ikeye anja ya cilombo ngeci tukazivile shwamwa yendi amo.

Yakomba 4:4

Yeni vanu vakwonwa kulongwa! Kuma kumuzivuka ngweni vusamba na kaye vwapwa vutozi kuli Njambi ndi? Woshe uje ashaka kulipwisa musamba wa kaye nalipwisa ikeye vavenya citozi ca Njambi.

1 Yowano 2:23

Omwo voshe vaje vavyana Mwana vavyana lalo Ishe, vaje vatambula Mwana vali na Ishe lalo.

1 Yowano 2:28

Eyo, vana vange, kaleni muli ikeye, ngeci tukashule nakusimpa akajomboloka, kesi tukazive shwamwa ku mesho endi a Litangwa lije omo akaija.

Kujombolola 14:10

ikeye lalo akanwa ku vinyu vya Njambi, vinyu vya vukalu vwendi, vije kesi vyakukumbasana mu nganja ya vukalu vwendi! Voshe vaje valinga eci vakakala mu n̄avava yakama mu tuhya na sulufa ku mesho a tungelo vakujela na ku mesho a Muna Manga.