Mako 8:34 - Livulu lya Shukulu Kalunga

³⁴ Asinoni Yesu wasanene ije mbunga na vandongisi vendi vaije kuli ikeye, co wendekele ngwendi, “Nga munu ashaka kunjikava, napande kulivyana ikeye vavenya, ambate cilindakano cendi, co anjikavangeye.

Mako 8:34 Iomraidhean Croise

1 Vimyene 14:8

Njatundisile vumwene kuli vatekulwila va Ndaviti nakuvwana kuli yove. Oloni kuwapwile ngwe ngamba yange Ndaviti, uje wapwile wa kulongwa manene kuli yange, uje wononokele kushika kwange, nakulinga lika vije vinjamulekele.

Kulava 14:24

kuvanga ngamba yange Kalembi omwo ikeye ali na viyongola vyeka, co ikeye wapwa wa kulongwa. Njikamutwala mu lifuti lije lyakanengele, co vatekulwila vendi vakashwana lifuti lije mu vyana vyalyo mwakala vaAmaleke na vaKanana.

Mateo 10:38

Woshe uje kambata cilindakano cendi nakukavangeya mu myanja yange kapandele kupwa ndongisi yange.

Mateo 16:24

Asinoni Yesu wendekele kuli vandongisi vendi ngwendi, “Nga munu ashaka kunjikava, napande kulivyana ikeye vavenya, ambate cilindakano cendi, co anjikavangeye.

Mateo 27:32

Omo vakele nakuya, valiwanene na munalume umo wa ku Silene, lizina lyendi Simoni, co mashwalale vamusindiiye ngeci ambate cilindakano ca Yesu.

Mako 10:21

Co Yesu wamukengele na cizemo, co wendekele kuli ikye ngwendi, “Cuma cimolika cinasalako. Ya ukalandese vyoshe ulinavyo co ukaane vimbongo ku tuutu, co ukakala na vufuko mwilu, asinoni wije unjikave.”

Mako 7:14

Asinoni Yesu wasanene ije mbunga vaije kuli ikeye, co wendekele navo ngwendi, “Njitolilileni yeni voshe, co muzivisise.

Luka 13:24

“Licikinineni mukovele mu cikolo cacindondo, omwo mwa vushunga vavangi vakashaka kukovelamo oloni kuvakasa.

Luka 14:33

Yesu wamanesele kwendeka ngwendi, “Na kuli yeni voshe, ou kaseza vyuma vyoshe alinavyo kasa kupwa ndongisi yange.”

Luka 18:22

Omo Yesu wazivile evi, wendekele kuli ikeye ngwendi, “Kunalitulu cuma cimo ciwunapande kulinga. Ya ukalandese vyoshe ulinavyo ukaane vimbongo ku tuutu, co ukakala na vufuko mwilu, asinoni wije unjikave.”

Luka 20:45

Omo mbunga ya vanu vakele nakumutolilila, co Yesu wendekele kuli vandongisi vendi ngwendi,

Luka 9:23

Co wendekele kuli vakevo lalo ngwendi, “Nga munu ashaka kunjikava, napande kulivyana ikeye vavenya, ambate cilindakano cendi a litangwa na litangwa, co anjikavangeye.

Yowano 10:27

Vimanga vange vaziva lijwi lyange, co nange njivazivuka, co vanjikava.

Yowano 19:17

Yesu watuukile anja oku nambata cilindakano cendi vavenya, co vezile ku “Mutambela wa Cikola,” ngwe muvautumbwile. (Mu ciHevelu vautumbula ngwavo, “Ngolongota.”)

Vilinga vya Miluwa 14:22

Vakolesele vaka-kukulaela nakuvatakamesa ngeci vapwe vaka-vushunga mukukulaela. Vavalongesele ngwavo, “Tunapande kwita mu tuyando twatungi ngeci tukovele mu Vumwene vwa Njambi.”

Loma 6:6

Co twazivuka ngwetu vunu vwetu vwalaja vavushukikile amo na Kilistu a cilindakano, ngeci muvila wa vuvi vaunyongese, ngeci kesi tupwe lalo tu vindungo va vuvi.

Loma 8:17

Omwo tunapu vana vendi, tukatambula vivezikiso vije Njambi natulikila vanu vendi, co lalo tukatambula muli Kilistu vije vyanamutulikila Njambi, omwo nga tuyanda amo na Kilistu, co lalo tukakala amo mu vumpau vwendi.

1 Kolinte 15:31

Vavusamba vange, njilinakukengelela kutsa a litangwa na litangwa! Kulyalesa kwange muli yeni, mu mwonyo wetu amo na Kilistu Yesu Mwene yetu, cinjilingisa kwambulula evi.

1 Kolinte 8:13

Ngecivene, nga vyakulya vilingisa mukwetu ngeci alinge vuvi, co kunjikali situ lalo, kutewa njilingisa mukwetu kuwila mu vuvi.

1 Kolinte 9:19

Omwo nameme njinapu munu wakupatuka, kunjapwile nji ndungo ya munu naumo wai, oloni njalipwisa yange vavenya ndungo ya voshe ngeci njiwane vanu vavangi nga citava.

Ngalatiya 2:20

Vananjishukika amo na Kilistu, ngecivene, kesi yange lalo njiyoya embwe, oloni Kilistu ikeye ayoya muli yange. Co mwonyo ou njilinakuyoya nawo ololo, njilinakuyoya akukulaela kuli Muna Njambi, uje wanjizemene, co walyanene ikeye vavenya omwo yange.

Ngalatiya 5:24

Co voshe vaje vanakundama kuli Kilistu Yesu vanatsii cisemwa cavo ca vunu na mashungu aco oshe.

Ngalatiya 6:14

Ngwe ali yange, nameme ngoco, yange njikalyalesa lika a cilindakano ca Mwene yetu Yesu Kilistu, omwo a cilindakano cendi kaye kanatsi kuli yange, co yange lalo njinatsi ku kaye.

Filipu 3:10

Cuma cinjishaka a vyoshe evi cinapu kuzivuka Kilistu nakumona nzili ya cisangukilo cendi, kulipangela tuyando twendi nakupwa ngwe ikeye mu kutsa kwendi,

Filipu 3:7

Oloni vyuma vyoshe vije njalavele ngwe vili na nganyo, ololo njilinakuvilava kupwa vyangoco, omwo a lizina lya Kilistu.

Kolose 1:24

Co ololo yange njilinakujolela a tuyando twange omwo yeni, omwo a tuyando twa muvila uno njase kumanesa tuyando twa Kilistu tuje tunasalako twa muvila wendi, ukewo cikungulukilo.

Kolose 3:5

Ngecivene, munapande kutsiya mashungu a ano asi aje alinakupanga muli yeni, ngwe vupangala na mazilo na mashungu amavi na cizemo cacivi na cipululu (omwo eci cipululu cikeco cifwa cakulemesa tumponya).

2 Tesalonika 3:11

Tunendeka eci omwo twazivi ngwavo akati keni kuli vamo vanu valinakuyoya mu ngila ya vulwa, vaje kuvesi nakupanga nacimo cai kuvanga kukundama lika mu vipangi vya vakwavo veka.

Tito 2:12

Kutetela oku kulinakutulongesa kuvyana yoyesi yakujeneka kulemesa Njambi na mashungu amavi, nakuyoya yoyesi yakulemesa Njambi ano a kaye mukulinyunga na mukushungama,

VaHevelu 13:13

Ngecivene, ijeni tuye kuli ikeye anja ya cilombo ngeci tukazivile shwamwa yendi amo.

1 Petulu 4:1

Ngecivene, ngwe omo Kilistu wayandele mu muvila, neni lalo munapande kulitakamesa yeni vavenya na viyongola vimo, omwo woshe uje ayanda ku muvila nalikela ku vuvi.

1 Petulu 4:13

Oloni joleleni omwo mulinakulipangela tuyando twa Kilistu, ngeci mushule nakujolela omo vumpau vwendi vukasholoka.

2 Petulu 1:14

Omwo njazivuka ngwange ololo njikashulula muvila uno wakuvola, ngwe mwanjilekele Mwene yetu Yesu Kilistu.

1 Yowano 3:16

Omu mukemwo twazivuka vati cizemo mucafwa, Kilistu wecelele mwonyo wendi ali yetu. Ngecivene, netu lalo tunapande kwecelela myonyo yetu ali vakwetu!

Kujombolola 2:10

Kesi ulishoshomwene a n̄avava ije ukamona. Tolilila! Liyavola akamyaka mu ceseko mukwaka vamo veni mu kamenga, co tuyando tweni tukapwa twa matangwa likumi. Ngecivene, pwa muka-kulongwa kuli yange noo kutsa, co njikakwana cilongo ca mwonyo.