Mako 8:33 - Livulu lya Shukulu Kalunga

³³ Oloni Yesu watengulukile, co wakengele kuli vandongisi vendi, wendekele na Petulu ngwendi, “Tunda kuli yange ove Satana! Omwo viyongola vyove kesi vya Njambi, oloni vya vunu!”

Mako 8:33 Iomraidhean Croise

2 Samwele 19:22

Oloni Ndaviti wendekele kuli Avishai na ndolome yendi Yowave ngwendi, “Iyajo nehula viyongola vyeni? Kuma yeni mushaka kunjaka mu vukalu ndi? Ololo yange njinapu mwene wa vaIsalele, co kukwesi lalo kaIsalele ivakatsiya ku litangwa lya lelo wai.”

Yombi 2:10

Co Yombi wakumbulwile ngwendi, “Yove ulinakwendeka ngwe munakazi wakujeneka mana. Vati tukatambula vyuma vyavivwa lika kuli Njambi kwakujeneka kutambula vyuma vyavivi?” Nameme ngoco mu tuyando twendi twoshe, Yombi kavulumwine ku mesho a Njambi.

Myaso 141:5

Muka-vushunga nasa kunjihisa, nakunjendekela na ngozi, omwo simbu yoshe njilinakulombela a vilinga vya vaka-vuvi.

VaLevi 19:17

“Kesi ukazinde ndolome yove mu mbunge yove. Linanguleni na mukweni ngeci kesi mulinge vuvi omwo ikeye.

Mateo 15:23

Oloni Yesu kamukumbulwile lijwi nalimo lyai. Co vandongisi vendi vezile kuli ikeye, vamulombele ngwavo, “Mwilwise! Omwo alinakutambeka manene munima yetu!”

Mateo 16:23

Oloni Yesu watengulukile wendekele na Petulu ngwendi, “Tunda kuli yange ove Satana! Yove unapu u citanukiso mu ngila yange, omwo viyongola vyove vinapu vya vunu, kesi vya Njambi embwe!”

Mateo 4:10

Yesu wamukumbulwile ngwendi, “Tunda kuli yange, Satana! Omwo visoneka vinendeka ngwavyo, ‘Ukalemesa Shukulu Kalunga Njambi yove nakumupangela ikeye lika.’ ”

Mako 3:34

Wakengele kuli vanu vaje vatumbamene kuje nakumuzengeleka, wendekele ngwendi, “Kengeni! Ava vakevo vanana na vandolome vange!

Mako 3:5

Co Yesu waluvalele omo wavakengele, oloni a simbu ije vene wazivile manene vusiwa omwo vakevo, omwo vakaluwisile vimbunge vyavo. Asinoni wendekele kuli uje munalume ngwendi, “Olola livoko lyove.” Wolwele livoko lyendi, co lyakangukile.

Luka 22:61

Co Mwene watengulukile wakengele kuli Petulu, co Petulu wanukile ngeci Mwene wamulekele ngwendi, “Simbu ndemba kanda atambeke vutsiki vuno vene, ukanjivyana visimbu vitatu ngwove kuunjizivuka.”

Luka 4:8

Yesu wamukumbulwile ngwendi, “Vanasoneka ngwavo, ‘Ukalemesa Shukulu Kalunga Njambi yove, ikeye lika iwukapangela!’ ”

Luka 9:55

Yesu watengulukililile kuli vakevo wavavindikile ngwendi, “Kumuzivuka Munzinzime uka uje umulinawo, omwo Muna Munu kezile nakunyongesa myonyo ya vanu, oloni wezile ngeci avovole.”

1 Kolinte 5:5

kundikeni ou munalume kuli Satana ngeci muvila wendi ukanyonge, oloni munzinzime wendi ukovoke a Litangwa lya Mwene Yesu.

Filipu 3:19

Vakevo valinakuya ku mbulu ya tuhya, omwo njambi yavo napu mashungu a mivila yavo. Vakevo valyalesa na vyuma vije vyapandele kuvazivisa shwamwa, co valinakuyongola lika vyuma vyakundama ku vije vili ano asi.

1 Timateo 5:20

Voshe vaje valinakulinga vuvi vavendekele ku mesho a vanu mutanya mwelu, ngeci vaje vanasalao vazive lyova.

Tito 1:13

Vije vyendekele vyapwile vya vushunga. Ngecivene, vendekele na majwi akuvambuka ngwe moko, ngeci vakele nakukulaela kwamutunu,

1 Petulu 4:1

Ngecivene, ngwe omo Kilistu wayandele mu muvila, neni lalo munapande kulitakamesa yeni vavenya na viyongola vimo, omwo woshe uje ayanda ku muvila nalikela ku vuvi.

1 Yowano 2:15

Kesi muzeme kaye nambe cuma cije cinakundama ku kaye. Nga muzema kaye, co kumwesi nakuzema Tate.

Kujombolola 3:19

Yange njivindika nakunyanyamesa vaje voshe vanjazema. Ngecivene, nyanyammeni, co tengulukeni ku vivi vyeni.