Mako 8:31 - Livulu lya Shukulu Kalunga

³¹ Asinoni Yesu washangumukile kulongesa vandongisi vendi ngwendi, “Muna Munu napande kuyanda manene, co vakulunu vakamuvyana, na vakulunu va vaka-kukombelela, na valongisi va majwi a Lishiko. Co vakamutwala ku kutsa, oloni omo kuneti matangwa atatu akasanguka.”

Mako 8:31 Iomraidhean Croise

Myaso 118:22

Limanya lije livavyanene vaka-kutunga, likelyo ololo linapu lya seo yakama kuli voshe.

Isaya 53:3

Twamuyengwile nakumuvyana, wayandele nakuziva kuvavala. Naumo wai wakengele kuli ikeye, twamuyeluwisile ngwe kesi na seo.

Hoziya 6:2

Munima ya matangwa avali nambe atatu, akatwindula, ngeci tukayoye ku mesho endi.

Yona 1:17

Oloni Shukulu Kalunga watumine liisi lyakama manene kuleula Yona, co Yona wakele mwimo lya isi matangwa atatu mutanya na vutsiki.

Mateo 12:40

Omwo ngwe Yona wakele matangwa atatu mutanya na vutsiki mwimo lya liisi lyakama, ngecivene, na Muna Munu lalo akakala matangwa atatu mutanya na vutsiki mwisi ya livu.

Mateo 21:42

Yesu wendekele kuli vakevo ngwendi, “Kumwalavele majwi awa mu visoneka ndi? ‘Limanya lije livavyanene vaka-kutunga ngwe kulyesi na seo, likelyo ololo linapu lya seo yakama kutuvakana mamanya oshe. Eci cikeco calingile Shukulu Kalunga, co cinapu cakukomokesa kuli yetu!’ ”

Mateo 27:63

vendekele ngwavo, “Shukulu, twanuka uje muka-kukwisa omo wakele nakuyoya wendekele ngwendi, ‘Njikasanguka omo kuneti matangwa atatu.’

Mako 12:10

Mwa vushunga kumwalavele majwi awa mu visoneka ndi? ‘Limanya lije livavyanene vaka-kutunga, likelyo ololo linapu lya seo kuli voshe.

Luka 17:25

Oloni akulivanga napande kuyanda manene nakumuyengula kuli vanu va matangwa ano.

Luka 24:26

Kuma Wakuvwavesa kapandele kuyanda a vyuma evi nakukovela mu vumpau vwendi ndi?”

Luka 24:44

Co wavalekele ngwendi, “Evi vikevyo vyuma vije njamilekele omo njakele neni ngwange, vyuma vyoshe vije vasonekele mu Lishiko lya Mosesa, na mu visoneka vya vaka-kwimanena, na mu Myaso vyakunjitumbula yange vinapande kulingiwa.”

Yowano 12:48

Woshe anjivyana, co katambula majwi ange, kwali umo uje akamusompa. Majwi aje njinendeka akewo akapwa lyaako lyendi a litangwa lyakukotoka!

Yowano 2:19

Yesu wavakumbulwile ngwendi, “Siwuleni eyi Njuvo ya Shukulu Kalunga, co njikaitungulula lalo a matangwa atatu.”

Vilinga vya Miluwa 7:35

“Ou ikeye Mosesa uje ivavyanene vanu va Isalele vamwihwile ngwavo, ‘Iya nakupwisa muka-kushwana nambe lyaako akati ketu?’ Ikeye vene uje yatumine Njambi kupwa muka-kushwana vanu nakuvapatula akukwasa kwa kangelo uje wamusholokelele mu liputa lije lyakele nakwenya.

1 Kolinte 15:4

ngwavo vamutsindile, co munima ya matangwa atatu wasangukilile ku mwonyo, ngwe muvanasoneka mu Visoneka,

1 Samwele 10:19

Yange Njambi yeni, uje wamipatwile ku tuyando tweni twoshe nakukukaluwa kweni kwoshe, oloni ku litangwa lya lelo munanjivyana, co munanjilombo ngeci njimyane mwene. Mwamuvwa, ngecivene, likungululeni ku mesho a Shukulu Kalunga mu miyati yeni na mu vikota vyeni.’ ”

1 Samwele 8:7

co Shukulu Kalunga wendekele ngwendi, “Tolilila ku vyuma vyoshe vije vivendeka vanu kuli yove. Kesi yove ivanavyana embwe, oloni vanavyana yange kupwa mwene yavo.