Mako 8:23 - Livulu lya Shukulu Kalunga

²³ Co Yesu wakwatele uje munalume wa kapuputwa a livoko, co wamutwalele anja ya limbo. Co wamujekwilile mate ku mesho endi, co Yesu waakele mavoko endi ali ikeye, wamwihwile ngwendi, “Wasa kumona cuma cimo ndi?”

Mako 8:23 Iomraidhean Croise

Isaya 44:2

Yange Kalunga uje wamitangele, tunde a simbu ije mwasemukile, njinamikwasa. Kesi uzive lyova, yove unapu ngamba yange, vanu vange vakwangula vaje vanjazema.

Isaya 51:18

Kukwesi akamitwamenena lalo wai, naumo wai akati ka vanu vove akakukwata ku livoko.

Njelemiya 31:32

Cikeco kucikapu ngwe cikumiiyo cije calaja cinjalikumiiye na vakukulwila vavo, omo njavambatele na livoko lyange kuvatundisa mu Ingito. Nameme njapwile nji munalume wavo, oloni kuvanyungile cikumiiyo cije.

Mako 5:23

co wamulambelelele manene na kasingimiko ngwendi, “Munange wamundondo wa munakazi alinakuvinja manene. Tuye ukamukambeke mavoko, ngecivene, akakanguke!”

Mako 7:33

Ngecivene, Yesu wamutwalele kwendi lika, kulyala na vanu, co waakele milavo yendi mu matwi a uje munalume, wajekwile mate, co wakwatele ndaka ya uje munalume.

Mako 8:24

Co uje munalume wakengele mwilu wendekele ngwendi, “Eyo, njasa kumona vanu, oloni vakevo vanafu ngwe miti ilinakulizenga.”

Mako 8:26

Co Yesu wamutumine kwimbo lyavo wamushikile ngwendi, “Kesi wiluke mu limbo lije lalo.”

Vilinga vya Miluwa 23:19

Muka-kushika mashwalale wamukwatele ku livoko nakumutwala ikeye vavenya, co wamwihwile mu vushweke ngwendi, “Vyuma mukajo ushaka kunjileka?”

Vilinga vya Miluwa 9:8

Ngecivene, Saulu wakatukile asi watonene mu mesho, oloni kasele kumona cuma. Ngecivene, vamukwatele ku livoko nakumutwala ku Ndamasiku.

VaHevelu 8:9

Co kunjikalingi lalo cikumiiyo ngwe muje njalingile kuli vakukulwila vavo a litangwa lije njavatundisile mu lifuti lya Ingito nakuvatwamenena na livoko lyange. Kuvapwile vaka-kulongwa ku cikumiiyo cije njalingile navo, ngeci kunjakeleko mbunge kuli vakevo lalo.

Kujombolola 3:18

Ngecivene, njikunangula ngeci ulande ngolinde kuli yange, ngolinde yakujela, ngeci ufuke. Co lalo landa vuzalo vwakutoka uzale ngeci ufwike mutotototo wove wa shwamwa. Co lalo landa cemba cakwaka mu mesho ove, ngeci wase kumona.