Mako 8:11 - Livulu lya Shukulu Kalunga

¹¹ VaFaliseo vamo vezile kuli Yesu, co vashangumukile kulinga nendi vimata. Vashakele kumweseka, vamulombele ngeci alinge cizivukiso cije cimwesa ngeci Njambi namutava.

Mako 8:11 Iomraidhean Croise

Kutuuka 17:2

Co valinyengelele kuli Mosesa nakwendeka ngwavo, “Twane mema tunwe.” Mosesa wavakumbulwile ngwendi, “Omwo vikajo mulinakulinyengela kuli yange? Omwo vikajo mulinakweseka Shukulu Kalunga?”

Kutuuka 17:7

Mwela uje vautumbwile Masa na Meliva, omwo vaIsalele valinyengele nakweseka Shukulu Kalunga omo vehwile ngwavo, “Kuma Shukulu Kalunga ali netu ndi?”

Malakiya 3:15

Oloni ololo tumona vaka-kulyalesa ngwe vanavezika. Mwa vushunga, vaje vaka-kulinga vyavivi vakala mwamuvwa, nameme vakevo veseka Njambi oloni vovoka.’ ”

Mateo 12:38

Asinoni vamo valongisi va majwi a Lishiko na vaFaliseo vendekele nendi ngwavo, “Mulongisi, tushaka tukumone ulinga cizivukiso.”

Mateo 19:3

Co vaFaliseo vamo vezile kuli ikeye nakumweseka vamwihwile ngwavo, “Kuma Lishiko lyetu litavesa munalume kukondola munakazi wendi a mulonga nkala ndi?”

Mateo 21:23

Co omo Yesu wakovelele mu Njuvo ya Shukulu Kalunga, co omo wavalongesele, vakulunu va vaka-kukombelela na vakulunu vezile kuli ikeye, vamwihwile ngwavo, “Na moko yeyajo ulinakulinga nayo vyuma evi? Iyajo nakwana moko eyi?”

Mateo 22:15

Asinoni vaFaliseo vaile nakutumba vutumbe ngeci vakamweseke na vihula.

Mateo 22:18

Oloni Yesu wazivukile laja viyongola vyavo na vutumbe vwavo vwavuvi, co wendekele ngwendi, “Yeni vaka-civembulu! Vikajo mulinakunjesekela?

Mateo 22:23

A litangwa lije vene vaSanduki vamo vezile kuli Yesu nakwendeka ngeci vanu kuvakasanguka ku vatsi.

Mako 12:15

Oloni Yesu wazivukile viyongola vyavo, co wavakumbulwile ngwendi, “Vikajo mulinakunjesekela? Neneni oyo mbongo ya siliva kuli yange, ngeci njiimone.”

Mako 2:16

Co vamo valongisi va majwi a Lishiko, vaje vapwile va Faliseo, omo vamwene Yesu alinakulya na vaka-vuvi na vaka-kutambula lisimu, ngecivene, vehwile vandongisi vendi ngwavo, “Omwo vikajo alinakulya amo na vaka-kutambula lisimu na vaka-vuvi?”

Mako 9:16

Co Yesu wehwile vandongisi vendi ngwendi, “Vimata vya vika mulinakulinga navo?”

Luka 10:25

Mulongisi wa majwi a Lishiko wezile nakweseka Yesu wehwile ngwendi, “Mulongisi, vika njinapande kulinga ngeci njitambule mwonyo wa myaka yoshe?”

Luka 11:16

Vamo vamwesekele, vamulombele ngeci alinge cizivukiso cije cisholola ngeci kuma Njambi namutava.

Yowano 4:48

Yesu wendekele kuli ikeye ngwendi, “Naumo wai akati keni akakulaela kuvanga amone vizivukiso na vikomokeso.”

Yowano 6:30

Ngecivene, vamukumbulwile ngwavo, “Cizivukiso muka ulinga ngeci tucimone, co tukukulaele? Vipangi mukajo ukalinga?

Yowano 7:48

Kuma kuli umo wa vaka-kushwana nambe umo kaFaliseo wakulaela kuli ikeye ndi?

Yowano 8:6

Vendekele ngeci mukweseka Yesu, ngeci vamuwanene kashwilo. Oloni Yesu wakulamene nakusoneka asi na mulavo wendi.

Vilinga vya Miluwa 5:9

Ngecivene, Petulu wendekele kuli ikeye ngwendi, “Omwo vikajo nove na munalume wove mwayongola kweseka Munzinzime wa Shukulu Kalunga? Kenga, vanalume vanakatsindile munalume wove ava vali ku cikolo ololo vene, co vakevo vakakutwala yove lalo!”

1 Kolinte 10:9

Kutwapandele kweseka Mwene, ngwe muvalingile vamo vavo, co vatsile ku manyoka.

Kwituluka mu Mashiko 6:16

“Kesi mukeseke Shukulu Kalunga Njambi yeni, ngwe muje mumwamwesekele ku Masa.