Mako 7:9 - Livulu lya Shukulu Kalunga

⁹ Co Yesu wendekele lalo ngwendi, “Yeni munaleulula mashiko a Njambi ngeci mukave vilongesa vyeni.

Mako 7:9 Iomraidhean Croise

Myaso 119:126

Simbu yove yakupanga inete Shukulu Kalunga, omwo vanu kuvesi nakwononoka mashiko ove.

Isaya 24:5

Vanu vanajwalesa kaye omwo vanapokola mashiko a Njambi, nakupokola cikumiiyo cije calikumiiye navo ca ku myaka yoshe.

Isaya 29:13

Shukulu Kalunga nendeka ngwendi, “Vanu ava vaija kuyehi nange vanjilemesa lika na tunwa twavo, oloni vimbunge vyavo vili kulyala nange. Kulemesa kwavo kunapu kwa mashiko a vunu.

Ndanyele 11:36

“Mwene wa Silya akalinga cizango cendi. Ikeye akalishasha ngwendi napu wakama kutuvakana njambi woshe-iwoshe, co lalo ngwendi ikeye napu wakama kutuvakana Njambi wa Akamwa ya Akamwa. Akalinga eci noo simbu iketa ije Njambi akamunyanyamesa. Njambi akalinga vije vyanayongola.

Ndanyele 7:25

Akalwisa Njambi wa Akamwa ya Akamwa nakuyandesa vanu va Njambi. Ikeye akeseka kutengulula mashiko avo akulemesa, na viwano vyavo, co vanu va Njambi vakakala mwisi yendi myaka itatu na vingonde vitanu na imo.

Mako 7:13

Mu ngila eyivene munatengulula majwi a Njambi kuwapwisa angoco na vilongesa mulinakulongesa vakweni. Co kuvili vyuma vyavingi vyakufwa ngacije vije vimukalingi.”

Mako 7:3

Omwo vaFaliseo, na vaYunda, vakavele vilongesa vije vatambwile kuli vakukulwila vavo, kuvasele kulya ngoco kuvanga kujwela mwamuvwa ku mavoko avo,

Mako 7:5

Ngecivene, vaFaliseo na valongisi va majwi a Lishiko vehwile Yesu ngwavo, “Omwo vikajo vandongisi vove vakaleulula vilongesa vya vakukulwila vetu? Vakevo kuvesi kujwela ku mavoko omo valya!”

Loma 3:31

Kuma eci cinalumbunuka ngeci akukulaela tunavyana Lishiko ndi? Embwe, kesi ngoco, oloni tulinakukolesa Lishiko.

2 Kolinte 11:4

Omwo yeni mulinakutambula nakujolela munu woshe uje aija kuli yeni nakwambulula Yesu wa muyati weka, oloni kesi uje itwambulwile yetu kuli yeni, co yeni munatambula munzinzime na muzimbu weka kesi uje watundile ku Munzinzime na muzimbu wauvwa uje umwatambwile kuli yetu!

Ngalatiya 1:14

Njahyanene vakwetu vamo va vaYunda vaje twakolelele amo omwo njanyanyamene manene ku futisi ya vuYunda, co njalikundikile manene ku vilika vya vakukulwila vetu.

Ngalatiya 2:21

Kunjombwanesa kutetela kwa Njambi. Oloni nga munu vamupwisa muka-vushunga ku mesho a Njambi akunyunga Majwi a Lishiko, co cinalumbunuka ngeci Kilistu nevi vyatsililile vyai!

2 Tesalonika 2:4

Ikeye akalwisa vyuma vyoshe vije vilitumbula ngwavyo vinjambi na cuma coshe-icoshe civakalemesa, akalyaka akamwa yavyo vyoshe. Co lalo akakovela nakutumbama mu Njuvo ya Shukulu Kalunga nakulitumbula ikeye vavenya ngwendi Njambi.