Mako 7:4 - Livulu lya Shukulu Kalunga

⁴ co lalo kuvasele kulya cuma cakutunda kuje kwakulandesela kuvanga vacikushe akulivanga. Vakavangeyeye mashiko akwavo amangi aje avatambwile, ngwe kukusha vinganja, na vindeo, na malonga, na milili.)

Mako 7:4 Iomraidhean Croise

Myaso 26:6

Shukulu Kalunga, njijwela ku mavoko ange kumwesa ngeci kunjesi na mulonga, co njiya nakulemesa ku mutula wove.

Isaya 1:16

Lijweleseni yeni vavenya ngeci mujele. Likeleni vuvi vwoshe ovu njilinakumona vumulinakulinga. Eyo, likeleni kulinga vuvi,

Njelemiya 35:5

Asinoni njaakele vinganja na malonga akulova akushula a vinyu kulutwe lwa vaLekave, co njendekele kuli vakevo ngwange, “Vinyu evi nweni.”

Njelemiya 4:14

Yelusalema, kusha vuvi vuli mu mbunge yove ngeci wovoke. Visimbu vingaijo ukatumba matumbe amavi?

Mateo 23:25

“Tuyando tweni, valongisi va majwi a Lishiko na vaFaliseo! Eni vaka-civembulu! Yeni mukajelesa nganja na lilonga akamwa, oloni mukati munashulu na vyakulya vije munawana mu ngila ya muuka na kulyalesa.

Mateo 23:26

Eni tupuputwa va vaFaliseo! Akulivanga jeleseni mumbando ya nganja na lilonga, co mukajelesa akamwa!

Mateo 27:24

Omo Pilato wamwene ngeci nomu mwalinga vene mwai, oloni lwozi lunasa kushangumuka, wambatele mema, wajwelele ku mavoko endi ku mesho a mbunga, co wendekele ngwendi, “Yange kunjesi na mulonga a kutsa kwa munu ou! Ou mulonga weni vavenya.”

Mako 7:8

“Yeni munaka mashiko a Njambi kumukulo, co mulinakwononoka vilongesa vya vanu.”

Yowano 2:6

VaYunda vakele na mashiko a vilongesa vyavo vya a kujwela, co a cuma eci kuje kwakele vinjava vya mamanya vyakutekwila mema vitanu na imo, vyoshe vyapwile vyakama imo na imo yasele kukala na mema akweta ku malita 100.

Yowano 3:25

Vamo vandongisi va Yowano vakele nakulinga vimata na kaYunda umo a futisi yakujwela.

VaHevelu 9:10

omwo vikevyo vinemanena lika ku vyakulya nakunwa, na vilika vyakuliseza-seza vyakulijelesa. Evi vyoshe vinapu mashiko a anja, evi vikalingiwa noo a simbu ije Njambi akatengulula vyuma vyoshe.

Yakomba 4:8

Shwenyeni kuyehi na Njambi, co na ikeye lalo akashwenya kuyehi neni. Jweleseni mavoko yeni, yeni vaka-vuvi! Jweleseni vimbunge vyeni, yeni vaka-civembulu!

1 Yowano 1:7

Oloni nga tuyoya mu ceke, ngwe ikeye ali mu ceke, asinoni tulitombola umo na mukwavo, co maninga a Yesu, munendi, atujelesa ku vuvi vwoshe.