Mako 7:37 - Livulu lya Shukulu Kalunga

³⁷ Co voshe vaje vavizivile valikomokelele ngwavo, “Alinakulinga vyoshe mwamuvwa! Nameme tusinda-matwi vaziva na tuveveve vendeka!”

Mako 7:37 Iomraidhean Croise

Kushangumuka 1:31

Asinoni Njambi wakengele a vyuma vyoshe vije vyatangele, wamwene ngeci vinavwaa manene. Cingwezi lyatokele, co mutondo lyakile, lije lyapwile litangwa lyamucitanu na limo.

Myaso 139:14

Njikukandelela omwo yove wapwa wakukomokesa, vyoshe viwukalingi vyapwa vyavivwa, co lalo vikomokesa, njinazivuka mwamuvwa na mbunge yange yoshe.

Isaya 29:18

Omo litangwa lije likaija, tusinda-matwi vakaziva omo vakavalavela majwi a mu livulu, co tupuputwa, vaje vakele mu kazimba-vayeni na mu lisusulungu, vakamona.

Mateo 9:32

Omo vatundileko, vanu vamo vanenele kaveveve kuli Yesu, omwo wakele na munzinzime wakujwala.

Mako 1:27

Co vanu voshe valikomokelele manene vashangumukile kulyendekesa umo na mukwavo ngwavo, “Vika evi? Oku kunapu kulongesa kwakuhwa ndi? Munu ou ali na moko yakushika minzinzime yakujwala, co ikeyo imwononoka!”

Mako 2:12

Omo voshe vakele nakukengelela, uje munalume wakatukile, wambatele linala lyendi, co watuukile vwasi. Co voshe valikomokelele, co vashangazalele Njambi, vendekele ngwavo, “Kanda tumone vyuma vyakufwa ngacije!”

Mako 4:41

Oloni vakele na lyova lyakama, co valihozwele umo na mukwavo ngwavo, “Munu wakufwa vatijo ou? Uje nameme lihunzi na mankimba vimwononoka!”

Mako 5:42

Co aje vene wendukile, co washangumukile kwenda. (Wakele na myaka likumi na ivali.) Omo evi vyalingiwile, valikomokelele manene.

Mako 6:51

Asinoni wakovelele mu vwato muje muvakele, co lihunzi lyalendamene. Co vandongisi valikomokelele,

Mako 7:36

Asinoni Yesu wasin̄ikile vanu ngeci kesi valekeko munu a cuma eci, oloni nameme wavasin̄ikile ngeci kesi vambulule, vakevo vambulwile na nzili.

Mako 8:1

A matangwa aje mbunga yakama vakungulukile amo. Co vanu kuvakele na vyakulya, co Yesu wasanene vandongisi vendi vaije kuli ikeye, co wendekele ngwendi,

Luka 23:41

Cihiso cetu cinatupande, omwo tutambula fweto ya vilinga vyetu, oloni munalume ou kesi na vuvi.”

Vilinga vya Miluwa 14:11

Omo vije vimbunga vamwene vije vyalingile Paulu, co vashangumukile kutambeka mu ndaka yavo vavenya ya Likaoniya ngwavo, “Vinjambi vanaija kuli yetu mu cifwa ca vanu!”