Mako 7:24 - Livulu lya Shukulu Kalunga

²⁴ Asinoni Yesu watundile ku mutambela uje waile ku lifuti lya kuyehi na nganda ya Tile. Co wakovelele mu njuvo kashakele munu umo amuzivuke ngeci ali kuje, oloni kasele kuvanda.

Mako 7:24 Iomraidhean Croise

Kushangumuka 10:15

Kanana wakitile munendi wa ntwatwa wa munalume lizina lyendi Sindone, co munendi wamucivali lizina lyendi Hete. Vakevo vapwile vakukulwila va vanu vaje valilukile mazina avo.

Kushangumuka 10:19

co nginga ya vaKanana yatundile ku Sindone ku mbwela kweta ku Ngelale kuyehi na Ngaza, na mu ngangela ya Sondoma, na Ngomola, na Andema, na Zemboime kuyehi na Lasha.

Kushangumuka 49:13

“Zembuloni ikeye akakala ku ngenge ya mema a kalunga. Cikuma cendi cikapwa cakututikila mato akama. Lifuti lyendi liketa na ku Sindone.

Isaya 23:12

Nganda ya Sindone, kuvwaelela kwove kunahu, co vanu vove valinakuvayandesa. Nameme vatewela ku Sepulase kuvakawana kwoloka.

Isaya 42:2

Ikeye kakatambeka nambe kutendeka lijwi lyendi, nambe kwendeka majwi amangi mu vitapalo embwe.

Ezekiyele 28:2

“Muna munu, leka muka-kushwana wa ku Tile evi vinjendeka yange Kalunga wa Akamwa ya Vyoshe ngwove, ‘Mu kulyalesa kwove ulinakwendeka ngwove u njambi. Ulinakwendeka ngwove unatumbama a litanda ngwe njambi mu mema a kalunga. Wasa kuyongola ngwove u njambi oloni yove unapu lika munu kesi u njambi nameme wayongwele ngwove u njambi.

Mateo 11:21

“Ngongo yove Kolazine! Ngongo yove Mbetesainda! Omwo vizivukiso evi vanalingi kuli yeni, nga vavilingilile mu Tile na mu Sindone, nga vanu vamwo vazalele vikeleya nakulikwita lito kumwesa ngeci vanatenguluka ku vivi vyavo!

Mateo 9:28

Omo Yesu wakovelele mu njuvo, vaje tupuputwa vavali vezile kuli Yesu, co Yesu wavehwile ngwendi, “Kuma yeni mwakulaela ngweni yange njasa kumikangwisa ndi?” Vakevo vamukumbulwile ngwavo, “Eyo shukulu.”

Mako 2:1

Co omo kwetile lika matangwa amandondo Yesu welukile ku Kapenauma, co muzimbu washandokele ngwavo ali kwimbo.

Mako 7:23

evi vyuma vyoshe vyavivi vikevyo vituuka mukati ka munu nakumuviisa.”

Mako 7:25

Co munakazi umo, munendi wakele na munzinzime wakujwala, wazivile Yesu, co aje vene wezile kuli Yesu wawililile ku myanja yendi.

Mako 7:31

Asinoni Yesu watundile ku lifuti lya Tile, co waile ku Sindone nakweta ku Lishali lya Ngalileya, co watuvakanene mu lifuti lya Vinganda Likumi.

1 Timateo 5:25

Mu ngila imolika, vilinga vyavivwa visholoka mwamuvwa anja, co nambe vivanda oloni kuvikasa kuvanda.