Mako 7:22 - Livulu lya Shukulu Kalunga

²² kulinga vupangala, kuliveya, nakulinga vyuma vyoshe vya vivi, kukwisa, mashungu amavi, cipululu, vungumba, kulyalesa, na vulema,

Mako 7:22 Iomraidhean Croise

2 Mizimbu 32:31

Nameme omo vamyata vaje vatundile ku Mbambilone vezile mukwihula a vije vyalingiwile mu lifuti, Njambi watavele ngeci eseke Hezekiya azivuke vyoshe vije vyakele mu mbunge yendi.

Myaso 10:4

Muka-vuvi kombuko mbunge kuli Shukulu Kalunga, mu kulyalesa kwendi ayongola ngwendi Njambi waiko.

Myaso 119:36

Tengulwila mbunge yange mukwononoka ku mashiko ove, co kesi itengulukile ku cipululu embwe.

Visimo 12:23

Vaka-mana vakasimpi na vyuma vije vazivuka, oloni vilema vambulula lika vulema kwoshe-ikwoshe.

Visimo 22:15

Vulema vukasata mu vimbunge vya vanike, oloni kuvapupanga vivanzi vyakuvalongesa, co civutundisamo.

Visimo 23:6

Kesi ulye vyakulya vya muka-litsita, nameme vyakulya vyendi vyavivwa manene.

Visimo 24:9

Viyongola vya vulema vyapwa vuvi. Vanu vazinda munu uje ashendumuna vakwavo.

Visimo 27:22

Nameme upupa cilema manene, vulema kuvutundu muli ikeye.

Visimo 28:22

Vaka-muuka vashaka vwasi kufuka, kuvazivuka vuutu muvukavezila.

Muka-kwambulula 7:25

Njalikundikile ku mana nakulilongesa, co njashakele kuwana mana, nakukumbulula ku vihula vyange, nakulilongesa muvwafwa vuvi, na vulema.

Isaya 59:13

Twakutengulukila, nakuvyana kukukava. Twayandesele vakwetu nakutunda kuli yove. Viyongola vyetu vinapu vya makuli, na majwi etu anapu a makuli.

Isaya 59:7

Simbu yoshe mutumba matumbe a vyuma vya vuvi, co mukawalingi vwasi-vwasi. Mukazambula mukutsiya vanu vakujeneka mulonga. Kwoshe kumuya mukasezako vingundu nakuviisako,

Njelemiya 17:9

“Mbunge ya munu yapwa ya makuli kutuvakana vyuma vyoshe, yapwa yaivi manene, iyajo aizivuka?

Mateo 20:15

Kuma kunjapandele kulinga na vimbongo vyange ngwe munjinashakela ndi? Nambe yove kuma uli na cipululu a vungulu vwange ndi?’ ”

Mateo 6:23

Oloni nga mesho ove anapu akutsitsivala, muvila wove woshe uli mu lisusulungu. Ngecivene, nga ceke cili muli yove citenguluka kupwa lisusulungu, co lisusulungu muli yove likapwa lyakukomokesa manene.

Mako 7:21

Omwo mukati, mu mbunge ya munu, mukemwo mukatundu viyongola vyavivi vije vimutwamenena ku vyuma vya vuvi, kwiva, kutsiya,

Mako 7:23

evi vyuma vyoshe vyavivi vikevyo vituuka mukati ka munu nakumuviisa.”

2 Kolinte 10:5

tulinakutundisa kulyalesa kwoshe kuje kwakutanukisa kuje kulinakulwisa mana a Njambi, tulinakutundisa viyongola vyoshe nakuvyaka ku vundungo ngeci vyononoke kuli Kilistu.

Kwituluka mu Mashiko 15:9

Kesi mukavyane kumukumwisa cuma cimo embwe, omwo mwaka wakumanesa makongo uli muyehi, kesi mukatave viyongola vyavivi vikakovele mu vimbunge vyeni. Nga mukavyana kumwana likongo, co akatambeka kuli Shukulu Kalunga omwo yeni, co mukakala na mulonga.

Kwituluka mu Mashiko 28:54

Nameme vamyata vakulisingimika vaje vali akati keni, kuvakakala na ngozi na vandolome vavo, nambe na vanakazi vavo vaje vavazema, nambe vana vavo vaje vaciyoya.

Kwituluka mu Mashiko 28:56

Vanakazi vaje va kasingimiko vaje vali akati keni, vaka-kufuka vaje kuvalyatele mendi avo asi, kuvakanako situ imo vanalume vavo, nambe vana vavo vaje vavazema vanasalako.

1 Petulu 2:15

Omwo Njambi ashaka ngeci muvindike nzimba ya vanu vakweva a vyuma vyavivwa vije mulinakulinga.

1 Petulu 5:5

Mu cifwa cimo vene, yeni vakwenje munapande kwononoka kuli vakulunu. Co yeni voshe pweni vaka-kulikeesa, mukupangela umo na mukwavo, omwo visoneka vyendeka ngwavyo, “Njambi akavyana vaka-kulyalesa, oloni akamwesa kutetela kuli vaka-kulikeesa.”