Mako 7:18 - Livulu lya Shukulu Kalunga

¹⁸ “Kuma neni lalo kumuzivuka mwaila mana awa kutuvakana veka ndi? Kuma kumwazivukile? Navimo vyai vili anja vikovela muli munu vyasa kumuviisa,

Mako 7:18 Iomraidhean Croise

Mateo 15:11

Kesi cije cikovela mu kanwa ka munu cikeco cimuviisa embwe, oloni cije cituuka mu kanwa, cikeco cimuviisa.”

Mateo 16:11

Omwo vikajo kumwazivisisile ngeci yange kunjendekele neni a mikasha ya makende? Nyanyameni ku musima wa vaFaliseo na vaSanduki!”

Mako 4:13

Asinoni Yesu wavehwile ngwendi, “Kuma kumwazivukile mucalumbunukila cisimo eci ndi? Vatijo mwasa kuzivisisa visimo vikwavo?

Mako 7:17

Co omo Yesu wasezele ije mbunga wakovelele mu njuvo, vandongisi vendi vamwihwile a cisimo eci. Co Yesu wendekele kuli vakevo ngwendi,

Mako 7:19

omwo kuvikovela mu mbunge yendi embwe, oloni vikovela mwimo lyendi, co vituuka lalo anja kutunda mu muvila wendi.” (Akwendeka evi, Yesu watavesele ngeci vyakulya vyoshe vanapande kuvilya.)

Luka 24:25

Co Yesu wendekele kuli vakevo ngwendi, “Eni vilema vaka-kwishwala kukulaela vije vyoshe vivendekele vaka-kwimanena!

Yowano 3:10

Yesu wamukumbulwile ngwendi, “Yove u mulongisi wakama mu Isalele, kuma kuuzivuka eci ndi?

1 Kolinte 3:2

Njamilisile na mavele, kesi ngwe na vyakulya vyakukola, omwo te kanda mwete a simbu yakuvilya. Co nambe vene ololo kanda mucipweo kuvilya,

VaHevelu 5:11

Kuli vyavingi vyakwendeka a vin̄anda evi, oloni vyavikalu kuvinungulula kuli yeni, omwo yeni kumwesikuzivisisa vwasi.