Mako 6:48 - Livulu lya Shukulu Kalunga

⁴⁸ Co wamwene ngeci vandongisi vendi vali mu vukalu vwakukasha vwato, omwo lihunzi lyakele nakuvapekumuna, a mungulungengu, Yesu wezile kuli vakevo alinakwenda akamwa ya mema. Walingile ngwe alinakuvongoloka,

Mako 6:48 Iomraidhean Croise

Kushangumuka 19:2

Wendekele kuli vakevo ngwendi, “Vashukulu, tuyeni ku njuvo ya ngamba yeni, mukajwele ku mendi nakuhwimako vutsiki vuno vene. Asinoni mukaya ku vungenzi vweni mutondo-tondo.” Oloni vakevo vamukumbulwile ngwavo, “Embwe, vuno vutsiki tulala vene muno mu nganda mushandangala yangoco.”

Kushangumuka 32:26

Co uje munalume wendekele ngwendi, “Njecele njiye litangwa ololo lituuka.” Oloni Yakomba wamukumbulwile ngwendi, “Kunjikweca, kuvanga unanjivezikisa.”

Yombi 9:8

Naumo wai wakwasele Njambi kujangumuna melu, nambe kulyata a mankimba mu mema a kalunga.

Myaso 104:3

co watungila limbo lyove akamwa ya mema. Mashelwa waapwisa matemba ove, ukende a mambava a lihunzi.

Myaso 93:4

Shukulu Kalunga ikeye muka-kushwana mwilu, ikeye wakama kutuvakana mwakakumu mema a kalunga, Shukulu Kalunga ali na nzili yakama kutuvakana mankimba a mema a kalunga.

Kutuuka 14:24

A mungulungengu, simbu kanda kukye, Shukulu Kalunga wakele mu manda ya tuhya na mu manda ya lishelwa, wakengele asi ku mbunga ya vaka-Ingito, co wavauya-wuyisile.

Isaya 54:11

Shukulu Kalunga alinakwendeka ngwendi, “Yelusalema, nganda ya tuyando, na nganda yakujeneka seo, naumo wai akakuzembeleka, njikatungulula luvula lwove na mamanya a seo yakama.

Mateo 14:24

Oloni a simbu ije vwato vwakele akati ka lishali, mankimba akele nakupindisa vwato omwo lihunzi lyakele nakuvupekumuna.

Mateo 24:43

Oloni zivukeni ngweni, nga vavenya njuvo nazivukile simbu yakaija mwizi, nga natumbamene nakutona ngeci mwizi kesi atuve njuvo yendi.

Mako 13:35

Toneni, omwo kumuzivuka simbu ije yakeluka vavenya njuvo, nambe ku cingwezi, nambe akati ka vutsiki, nambe a vindemba, nambe ku mutondo.

Mako 6:47

Co omo litangwa lyatokele, vwato vwakele akati ka lishali, co Yesu wakele endi lika a nunda.

Mako 6:49

oloni omo vamumwene alinakwenda akamwa ya mema. Vayongwele ngwavo, “Ndumba ya munu!” Co vatambekele manene.

Luka 12:38

Vavezika vangamba vaje nga Shukulu yavo aija avawana vanalivwaesela cimweja nameme aija akati ka vutsiki nambe akakotokela!

Luka 24:28

Omo vetele kuyehi na limbo kuje vakele nakuya, Yesu walingile ngwe atuvakana kamandondo kuya kulutwe,

Yowano 1:13

Vakevo kuvapwile vana va Njambi ku cisemwa ca ano asi embwe, cisemwa cakusemuka ku munalume, oloni Njambi vavenya ikeye wapwile ishavo.

1 Samwele 11:11

Co alikaki, mutondo-tondo, Saulu waangunwine vanu vendi mu vimbunga vitatu, co a mungulungengu, vashatukilile mu cilombo ca vitozi, valwisile vaAmoni. Co omo kwakile vavatsiile. Co vaje vasaleleo valishandokele, munu na munu watewelele kwendi.