Mako 6:46 - Livulu lya Shukulu Kalunga

⁴⁶ Co omo walisalesele na vanu, walamatele ku munkinda nakulombela.

Mako 6:46 Iomraidhean Croise

Mateo 14:23

Co omo wamanesele kushandola vimbunga vya vanu, walamatele ku munkinda endi lika nakulombela. Omo litangwa lyatokele, Yesu wakele kuje endi lika.

Mateo 6:6

Oloni yove omo ulombela, ya ku mulili wove, nakushoka ku cikolo, co lombela kuli Isho, uje kuwasa kumona. Co Isho uje muka-kumona vije ukalingi mu vushweke, akakwana cikandelela cove.

Mako 1:35

Co alikaki mutondo-tondo, simbu kanda kukye, Yesu wendukile, co watuukile mu njuvo. Waile mu mambo endi lika nakulombela.

Mako 6:47

Co omo litangwa lyatokele, vwato vwakele akati ka lishali, co Yesu wakele endi lika a nunda.

Luka 6:12

A simbu ije Yesu walamatele ku munkinda nakulombela, co wakele nakulombela vutsiki vwoshe kuli Njambi.

Vilinga vya Miluwa 18:18

Paulu wakele mu Kolinte amo na vaka-kukulaela matangwa amangi, asinoni wavasezele nakuya mu vwato ku Silya amo na Pilisila na Akwila. Simbu kanda aciseze Senkilise Paulu watewile ku mutwe wendi omwo cisingo cije walisingile.

Vilinga vya Miluwa 18:21

Oloni wavalekele omo wavasezele ngwendi, “Nga eci cinapu cizango ca Njambi, co njikeluka lalo kuli yeni.” Co wakovelele mu vwato watundile ku Efeso.

2 Kolinte 2:13

Oloni njalinyengele manene omo kunjawanene ndolome yetu Tito. Ngecivene, njendekele kuli vakevo ngwange saleniho yeni voshe, co njaile ku Masendoniya.

1 Petulu 2:21

Omwo eci cikeco camisanenene Njambi, omwo Kilistu vavenya wamiyandelele, co namisezela cimweso, ngeci mukavangeye mu myanja yendi.