Mako 6:41 - Livulu lya Shukulu Kalunga

⁴¹ Asinoni Yesu watambwile ije mikasha ya makende itanu na visi vavali, wakengele mwilu, co wakandelele kuli Njambi. Wapazwile ije mikasha ya makende wayanene kuli vandongisi vendi ngeci vapangezele vimbunga vya vanu. Co na vaje visi vavali lalo wavapangezelele mukati kavo.

Mako 6:41 Iomraidhean Croise

Mateo 14:19

Asinoni washikile vanu vatumbame asi a mwila, co watambwile ije mikasha ya makende itanu na visi vavali, wakengele mwilu, co wakandelelele kuli Njambi. Wapazwile ije mikasha ya makende wayanene kuli vandongisi vendi, co vandongisi vapangezelele vimbunga vya vanu.

Mateo 15:36

Asinoni watambwile ije mikasha ya makende itanu na ivali amo na vaje visi, co wakandelelele kuli Njambi, wavipazwile, waanene kuli vandongisi vendi, co vandongisi vapangezelele vanu.

Mateo 26:26

Omo vakela nakulya, Yesu wanonele likende, walombele lilombelo lyakukandelela, co walipazwile, co walyanene kuli vandongisi vendi ngwendi, “Tambuleni mulye. Eli linapu muvila wange.”

Mako 14:22

Omo vakele nakulya, Yesu wanonele likende, walombelele lilombelo lyakukandelela, co walipazwile walyanene ku vandongisi vendi ngwendi, “Tambuleni, eli linapu muvila wange.”

Mako 6:40

Ngecivene, vanu vatumbamene asi mu mikana, mbunga imo vakele 100 na mbunga ikwavo vakele makumi atanu.

Mako 6:42

Co voshe valile vakutile.

Mako 7:34

Asinoni Yesu wakengele mwilu, walisisumwine, wendekele kuli uje munalume ngwendi, “Efefata.” Kulumbununa ngwavo, “Shokolola!”

Mako 8:19

muje njapazwile mikasha ya makende itanu ali vaje vanu 5,000 ndi? Mitonga ya vimbazuvwila ingai mwashulisile a vije vyasaleleo?” Co vamukumbulwile ngwavo, “Likumi na ivali.”

Luka 24:30

Co watumbamene navo ku mesa nakulya, co wanonele likende nakulivezikisa, co walipazwile walyanene kuli vakevo.

Luka 9:16

Yesu watambwile ije mikasha ya makende itanu na visi vavali, wakengele mwilu, co wakandelelele kuli Njambi, co wavipazwile, wavyanene kuli vandongisi vendi ngeci vavipangezelele vimbunga vya vanu.

Yowano 11:41

Ngecivene, vatundisileko limanya. Co Yesu wakengele kwilu wendekele ngwendi, “Tate, njikukandelela, omwo ukanjizivi.

Yowano 17:1

Omo Yesu wamanesele kwendeka vyuma evi, wandwile mesho endi kwilu wendekele ngwendi, “Tate, simbu inete. Ana vumpau kuli Munove, ngeci Munove aane vumpau kuli yove.

Yowano 6:11

Yesu watambwile ije mikasha ya makende, co wakandelelele kuli Njambi, co wapangezelele vanu vaje vatumbamene kuje asi. Ngecivene, walingile cuma cimo na ku visi lalo, co voshe valile vakutile.

Yowano 6:23

Ngecivene, mato eka aje atundile ku Timbelyase, ezile ku cikuma ca kuyehi na mutambela kuje kwakele mbunga ya vaje valile makende omo Mwene wakandelelele kuli Njambi.

Vilinga vya Miluwa 27:35

Munima yakwendeka evi, Paulu wanonele likende, wakandelelele kuli Njambi ku mesho avo voshe, walipazwile, co washangumukile kulya.

Loma 14:6

Woshe uje ayongola seo ya litangwa limo napande alinge ngeci mukusingimika Mwene, woshe uje alya cuma coshe-icoshe napande kucilya mukusingimika Mwene, omwo akandelela kuli Njambi a vyakulya. Woshe uje avyana kulya vyakulya vimo avyana mukusingimika Mwene, co akandelela kuli Njambi.

1 Kolinte 10:31

Ngecivene, vyoshe ulinga, nambe ulya nambe unwa, vilinge mukwana Njambi vumpau.

Kwituluka mu Mashiko 8:10

Omo munali laja nakukuta, co mukashangazala Shukulu Kalunga Njambi yeni omwo ya lifuti lyalivwa lije lyanamyana.

Kolose 3:17

Co vyuma vyoshe mulinga nambe mwendeka, munapande kuvilinga mu lizina lya Mwene Yesu, omo mulinakukandelela Njambi Tate ali ikeye.

1 Samwele 9:13

Omo muketamo, co mukamuwana, omwo kanda acilamate ku lilundu nakukalya, vanu lalo kuvasa kulya, na vaje vavanalanya kuvasa kulya kuvanga naija, omwo ikeye napande kuvezikisa n̄ombelo. Ololo lamateni vwasi-vwasi muliwane nendi.”