Mako 6:34 - Livulu lya Shukulu Kalunga

³⁴ Omo Yesu watundile mu vwato, wamwene mbunga yakama, co wavazivilile mema ku mbunge, omwo vapwile ngwe vimanga vakujeneka kanyungi. Ngecivene, washangumukile kuvalongesa vyuma vyavingi.

Mako 6:34 Iomraidhean Croise

1 Vimyene 22:17

Mikaya wamukumbulwile ngwendi, “Mu cimona njamwene mashwalale va Isalele valishandokela akamwa ya malundu ngwe vimanga vakujeneka kanyungi. Co Shukulu Kalunga wendekele ngwendi, ‘Ava vanu kuvesi na ntwama, veceleni veluke ku membo mu kwoloka.’ ”

2 Mizimbu 18:16

Mikaya wamukumbulwile ngwendi, “Mu cimona njamwene mashwalale va Isalele valishandokela akamwa ya malundu ngwe vimanga vakujeneka kanyungi. Co Shukulu Kalunga wendekele ngwendi, ‘Ava vanu kuvesi na ntwama, veceleni veluke ku membo avo mu kwoloka.’ ”

Isaya 13:14

“Vaka-kwija vaje vali mu Mbambilone vakatewela kulyala ku mafuti avo, nakulishandoka ngwe vishonge vatewa ciyambi, ngwe vimanga vakujeneka kanyungi.

Njelemiya 50:6

“Vanu vange vanafu ngwe vimanga, vaje tunyungi twavo vanavazimbalesa mu minkinda. Vanendangana ngwe vimanga vaje vatunda ku munkinda umo, nakuya ku munkinda ukwavo, co vanevala limba lyavo.

Ezekiyele 34:5

Omwo vimanga vaje kuvakele na kanyungi, co vashandokele, co omo vashandokele, vikashama va mu shwata vavatsiile nakuvalya.

Zakaliya 10:2

Vanu vakai nakwihula ku tumponya na kuli vaka-kulukiya, oloni kukumbulula kwavo kwapwa kwangoco na makuli. Vamo vakalumbununa vinjozi, oloni vamitanganesa lika, kuzembeleka kuje vakamwesa kwapwa kwangoco. Ngecivene, vanu vakalyendanganena ngoco ngwe vimanga kuvesi na kanyungi. Vali mu vushonde omwo kuvesi na ntwama.

Kulava 27:17

uje asa kuvashika nakuvatwamenena, ngeci mbunga yove kesi vapwe ngwe vimanga vakujeneka kanyungi.”

Mateo 14:14

Yesu watundile mu vwato, co omo wamwene mbunga yakama, wavazivilile mema ku mbunge, co wakangwisile vaje vakele nakuvinja.

Mateo 15:32

Yesu wasanene vandongisi vendi vaije kuli ikeye, co wendekele ngwendi, “Njazivila vanu ava mema ku mbunge, omwo vanatumbama nange matangwa atatu, co kuvesi na vyakulya ngeci vyalye. Kunjishaka kuvashandola na njala, amo vatsila lusike mu ngila.”

Mateo 9:36

Omo wamwene vimbunga vya vanu, wavazivilile mema ku mbunge, omwo vakele nakuyandangela nakujuka, ngwe vimanga kuvesi na kanyungi.

Mako 6:33

Vanu vavangi vavamwene omo vaile, co vavazivukile, ngecivene, vasezele membo avo oshe vashatukilile lumbisi a nunda nakweta ku mutambela uje kulutwe lwa Yesu na vandongisi vendi.

Mako 6:35

Co omo kwapwile cingwezi, vandongisi vendi vezile kuli ikeye vendekele ngwavo, “Litangwa linatoko laja, co muno mu mambo.

Mako 8:1

A matangwa aje mbunga yakama vakungulukile amo. Co vanu kuvakele na vyakulya, co Yesu wasanene vandongisi vendi vaije kuli ikeye, co wendekele ngwendi,

Mako 8:2

“Njazivila vanu ava mema ku mbunge, omwo vanatumbama nange matangwa atatu, co kuvesi na vyakulya ngeci valye.

Luka 9:11

Omo mbunga vazivile evi, co vamukavele. Wavatambwile nakuvambulwila vya Vumwene vwa Njambi nakukangwisa vaje vakele nakuvinja.

VaHevelu 2:17

Ngecivene, camupandele mu vyoshe alipwise mumolika na vakwavo, ngeci apwe Muka-kukombelela Wakama wa kulongwa na kutetela mu vipangi vyendi ku mesho a Njambi, ngecivene, vuvi vwa vanu vakavusambese.

VaHevelu 4:15

Omwo kutwesi na Muka-kukombelela Wakama uje kasa kututetela kukuzeya kwetu, oloni a cuma eci vene, tuli na Muka-kukombelela Wakama uje ivesekele mu vingila vyoshe ngwe yetu lalo, oloni kalingile vuvi.