Mako 5:35 - Livulu lya Shukulu Kalunga

³⁵ Omo Yesu acili nakwendeka evi, vamo miluwa vezile vatundile ku njuvo ya Njailosi, vamulekele ngwavo, “Munove natsi. Vikajo upakesela Mulongisi?”

Mako 5:35 Iomraidhean Croise

Mateo 26:10

Oloni Yesu wazivukile vije vivakele nakwendeka, wendekele kuli vakevo ngwendi, “Omwo vikajo mulinakupakesa ou munakazi? Omwo napanga cuma cacivwa manene ali yange.

Mateo 26:18

Wavalekele ngwendi, “Yeni ku munu umo mu nganda, co mukamuleka ngweni, ‘Mulongisi nendeka ngwendi, simbu yange inete, njikalingila Ciwano ca Pasovala mu njuvo yove amo na vandongisi vange.’ ”

Mateo 9:18

Omo Yesu acili nakwendeka navo vyuma evi, kengeni, mukulunu umo wa vaYunda wezile kuli ikeye, co watsikamene a mavuli endi ku mesho a Yesu wendekele ngwendi, “Munange wa munakazi natsi simbu ino vene, oloni tuye ukamukambeke mavoko, co akayoya.”

Mako 10:17

Co omo Yesu washangumukile lalo vungenzi vwendi, co munalume umo wamushatukilile, watsikamene a mavuli ku mesho endi, co wamwihwile ngwendi, “Mulongisi wamuvwa, vika njinapande kulinga ngeci njitambule mwonyo wa myaka yoshe?”

Mako 5:22

Asinoni kwezile Njailosi, ntwama wa sinangonge, co omo wamwene Yesu, watsikamene ku myanja ya Yesu,

Luka 8:49

Omo Yesu acili nakwendeka evi, co muluwa wezile watundile ku njuvo ya Njailosi, walekele Njailosi ngwendi, “Munove natsi, kesi upakese Mulongisi.”

Yowano 11:21

Mata wendekele kuli Yesu ngwendi, “Mwene, nga unakele kuno, ndolome yange nga katsile!

Yowano 11:25

Yesu wendekele kuli ikeye ngwendi, “Yange cisangukilo na mwonyo. Woshe akulaela kuli yange nambe natsi, oloni akayoya,

Yowano 11:28

Omo Mata wendekele evi, welukile nakusana ndokazi yendi Maliya mu vushweke. Wamulekele ngwendi, “Mulongisi naija, co alinakukusana.”

Yowano 11:32

Asinoni Maliya wetele kuje kwakele Yesu, co aje vene omo wamumwene, wawililile ku mendi endi wendekele ngwendi, “Mwene, nga unakele kuno, ndolome yange nga katsile!”

Yowano 11:39

Yesu washikile ngwendi, “Tundiseni limanya ku cikolo ca mbumbo!” Mata ndokazi ya mutsi wakumbulwile ngwendi, “Mwene, a simbu ino alinakunika, omwo kuneti matangwa awana tunde atwamutsindilile!”

Yowano 5:25

Mwa vushunga njimileka ngwange, simbu ilinakwija, co inete laja, omo vatsi vakaziva lijwi lya Muna Njambi, co voshe vaje valiziva vakayoya.