Mako 5:23 - Livulu lya Shukulu Kalunga

²³ co wamulambelelele manene na kasingimiko ngwendi, “Munange wamundondo wa munakazi alinakuvinja manene. Tuye ukamukambeke mavoko, ngecivene, akakanguke!”

Mako 5:23 Iomraidhean Croise

2 Vimyene 5:11

Oloni Namane wateketele, co waile, wendekele ngwendi, “Yange njayongwele ngwange amo akaija kuli yange, nakulombela mu lizina lya Shukulu Kalunga Njambi yendi, nakwolwela livoko lyendi aje a cipapi ca mbumba nakunjikangwisa!

Myaso 107:19

Asinoni mu tuyando twavo, vatambekele kuli Shukulu Kalunga, co wavamenene ku tuyando twavo.

Myaso 50:15

Tambekeni kuli yange a litangwa lya tuyando, co njikamyamena, co mukanjishangazala.”

Mateo 8:3

Co Yesu wolwele livoko lyendi wamukwatele, wendekele ngwendi, “Njishaka, jela.” Co aje vene wajelele ku mushongo wendi wa mbumba.

Mako 16:18

Vakakwata manyoka, co nambe nga vakanwa vyuma vya vushungu, kuvikavavulumuna, vakakambeka mavoko avo ali vaka-kuvinja, co vakenduka.”

Mako 5:24

Co Yesu waile amo nendi. Ngecivene, vanu vavangi vaile amo na Yesu, co ije mbunga yamuzengelekele noku-noku.

Mako 6:13

Co vatundisile minzinzime yakujwala yaingi, co vavwavesele mazi vaka-kuvinja vavangi nakuvakangwisa.

Mako 7:32

Co vanu vamo vamunenelele munalume umo wakusinda-matwi, co wakele lalo na kalaka, co valambelelele Yesu ngeci akambeke mavoko endi ali ikeye.

Mako 8:23

Co Yesu wakwatele uje munalume wa kapuputwa a livoko, co wamutwalele anja ya limbo. Co wamujekwilile mate ku mesho endi, co Yesu waakele mavoko endi ali ikeye, wamwihwile ngwendi, “Wasa kumona cuma cimo ndi?”

Luka 13:13

Yesu wakambekele mavoko endi ali ikeye, co aje vene wolokele, co washangazalele Njambi.

Luka 4:38

Yesu watundile mu sinangonge waile ku njuvo ya Simoni. Co vainamweno ya Simoni vavinjile lisika-sika lyakama manene, co valekele Yesu.

Luka 4:40

Ku cingwezi akulauka kwa litangwa, vaje voshe vakele nakuvinja mishongo yakuliseza-seza vavanenele kuli Yesu, voshe wavakambekele mavoko nakuvakangwisa.

Luka 7:12

Omo ikeye wetele kuyehi na cikolo ca nganda, co tufunde vatuwile civimbi anja. Uje munalume watsile wapwile mwana umolika waumo fwile, co mbunga yakama vatundile muje mu limbo vakele amo nendi.

Yowano 11:3

Ngecivene, vandokazi va Lazalu vatumine lijwi kuli Yesu ngwavo, “Mwene, uje musamba wove iwazema alinakuvinja.”

Vilinga vya Miluwa 28:8

Ishe ya Pambilyase wakele a vulili nakuvinja mushongo wa lisika-sika nakutuuka maninga. Co Paulu wakovelele ku mulili wendi, walombelele, co wakambekele mavoko endi ali ikeye nakumukangwisa.

Vilinga vya Miluwa 6:6

Mbunga yemikile vaje vanalume ku mesho a miluwa, co vavalombelelele nakuvakambeka mavoko.

Vilinga vya Miluwa 8:17

Asinoni Petulu na Yowano vavakambekele mavoko, co vatambwile Munzinzime Wakujela.

Vilinga vya Miluwa 9:12

co mu cimona cendi namono munalume umo lizina lyendi Ananiyasi naija nakumukambeka mavoko ngeci ase kumona lalo.”

Vilinga vya Miluwa 9:17

Ngecivene, Ananiyasi waile, co wakakovelele mu njuvo muje mwakele Saulu, co wakambekele mavoko endi ali ikeye wendekele ngwendi, “Ndolome yange Saulu, Mwene nanjitumu, Yesu vavenya, uje washolokele kuli yove mu ngila omo wakele nakwija kuno. Nanjitumu ngeci wase kumona lalo, co ushule na Munzinzime Wakujela.”