Mako 5:22 - Livulu lya Shukulu Kalunga

²² Asinoni kwezile Njailosi, ntwama wa sinangonge, co omo wamwene Yesu, watsikamene ku myanja ya Yesu,

Mako 5:22 Iomraidhean Croise

Mateo 2:11

Co vakovelele mu njuvo, vamwene mwanike na vaina Maliya, co vatsikamene nakumulemesa. Asinoni vafukwile mu vinjeke vyavo, co vamwanene vwana vwa ngolinde na fulankininsense na miila.

Mako 5:33

Oloni uje munakazi wazivukile vije vyalingiwile kuli ikeye, wezile nakujaja na lyova, co wawililile ku myanja ya Yesu, co wamulekele vushunga vwoshe.

Mako 5:38

Omo Yesu wetele ku njuvo ya Njailosi, wamwene vitanga, co wazivile kulila kwakama nakukangoka.

Luka 13:14

Co mukulunu wa mu sinangonge waluvalele omwo Yesu wakangwisile munu a Litangwa Lyakuhwima, co wendekele nakuleka vanu ngwendi, “Kuli matangwa atanu na limo aje tunapande kupanga vipangi, ngecivene, munapande kwija mu matangwa aje ngeci vamikangwise, kesi mukaije a Litangwa Lyakuhwima, embwe!”

Luka 5:8

Omo Simoni Petulu wamwene vije vyalingiwile, watsikamene a mavuli ku mesho a Yesu wendekele ngwendi, “Mwene tunda kuli yange, omwo yange nji muka-vuvi!”

Luka 8:28

Omo wamwene Yesu, co walilile manene, wawililile ku myanja ya Yesu, co watambekele ngwendi, “Yesu, Muna Njambi wa Akamwa ya Vyoshe! Vika ushaka kulinga nange? Njilinakukulomba ngwange, kesi unjihise embwe!”

Vilinga vya Miluwa 13:15

Omo valavele Lishiko lya Mosesa na visoneka vya vaka-kwimanena, co vakulunu va sinangonge vatumine lijwi kuli vakevo ngwavo, “Vandolome, tumishaka ngeci mwendeke kuli vanu nga muli na lijwi lyakuvatakamesa.”

Vilinga vya Miluwa 18:17

Co voshe vakokangeyeye Sosetene, uje wapwile ntwama wa sinangonge, vamupupilile ku mesho a mbanja. Oloni Ngaliyo kombileko mbunge ku cuma cije.

Vilinga vya Miluwa 18:8

Co Kilisipase uje wapwile ntwama wa sinangonge wakulaelele kuli Mwene, amolika na naanga yendi, co na vanu vavangi va mu Kolinte vazivile lijwi, vakulaelele, co vavambwitikile.

Kujombolola 22:8

Yange Yowano, njazivile nakumona vyuma vyoshe evi. Co omo njavizivile nakuvimona, njawililile asi ku myanja ya kangelo uje wanjimwesele vyuma evi, co njashakele kumulemesa.