Mako 4:38 - Livulu lya Shukulu Kalunga

³⁸ Oloni Yesu wakele ku litusi lya kunima, nalala tulo nasindamena mutwe wendi a musato. Co vandongisi vamukasumwine vendekele kuli ikeye ngwavo, “Mulongisi, kuma yove kuwazivukile ngwove tutsa ndi?”

Mako 4:38 Iomraidhean Croise

Isaya 63:15

Shukulu Kalunga, kenga ali yetu oku uli mwilu, mwimbo lyove lya vumpau. Kuma lajoko unatwivala ndi? Nzili yove ilikulijo? Cizemo cove nakutetela vilikulijo? Kesi utuyengule.

Isaya 64:12

Yove Shukulu Kalunga, vatijo utumbama lika kuluu akumona vyuma vyoshe evi nakutava ngeci tuyande ndi?

Mbimbi 3:8

Njilinakuteta nakutambeka ngeci vanjikwase, oloni Njambi shendi kunjitolilila

Mateo 22:16

Co vatumine vandongisi vavo vamo kuli Yesu naveka lalo vaka-munga ya Helonde ngwavo, “Mulongisi, twazivuka ngwetu yove ukendeka vushunga, co ukalongesa vushunga vwa cizango ca Njambi ali munu, kujeneka kulipesa a viyongola vya vanu, omwo kuwesi kukenga ali munu nambe wapwa wa vulemu nambe kesi wa vulemu.

Mateo 8:25

Vandongisi vendi vaile kuli ikeye nakumwindula ngwavo, “Twovole Mwene. Tushaka kutsa.”

Mako 4:37

Co kwahuwile lihunzi lyakama manene na mankimba ashangumukile kukovela mu vwato, ngecivene, vwato vwashakele kushula na mema.

Mako 4:39

Co Yesu wemanene washikile lihunzi ngwendi, “Oloka kuluu!” Co lalo washikile mankimba ngwendi, “Kukale kulendama kuluu!” Co lihunzi lyemanene, co kwolokele kuluu.

Luka 8:24

Co vandongisi vaile kuli Yesu nakumwindula ngwavo, “Shukulu, Shukulu! Tushaka kutsa!” Co Yesu wakatukile washikile lihunzi na mankimba, co lihunzi na mankimba vyalendamene, co kwolokele kuluu.

Yowano 4:6

Lisima lya Yakomba lyakele kuje, co Yesu watumbamene kuyehi na lisima omwo wajukile manene kwenda. Simbu yapwile akati ka mutwe.

VaHevelu 2:17

Ngecivene, camupandele mu vyoshe alipwise mumolika na vakwavo, ngeci apwe Muka-kukombelela Wakama wa kulongwa na kutetela mu vipangi vyendi ku mesho a Njambi, ngecivene, vuvi vwa vanu vakavusambese.

VaHevelu 4:15

Omwo kutwesi na Muka-kukombelela Wakama uje kasa kututetela kukuzeya kwetu, oloni a cuma eci vene, tuli na Muka-kukombelela Wakama uje ivesekele mu vingila vyoshe ngwe yetu lalo, oloni kalingile vuvi.

1 Petulu 5:7

Akeni vukalu vweni vwoshe ali ikeye, omwo ikeye alinakumilela.