Mako 4:15 - Livulu lya Shukulu Kalunga

¹⁵ Co vanu vamo vanapu ngwe vimbuto vije vyawililile kumukulo wa ngila, vwasi-vwasi omo vakevo vaziva lijwi, co Satana aija nakulitundisa.

Mako 4:15 Iomraidhean Croise

Kushangumuka 19:14

Asinoni Lote waile kuli vanalume vaje vashakele kwambata vana vendi, wavalekele ngwendi, “Zambuleniko mutunde muno, omwo Shukulu Kalunga ashaka kunyongesa nganda ino.” Oloni vakevo vayongwele ngwavo alinakulinga lyepe.

Isaya 53:1

Vanu vakumbulula ngwavo, “Iyajo asa kukulaela muzimbu wetu? Iyajo namono nzili ya Shukulu Kalunga mu vyuma evi?

Zakaliya 3:1

Mu cimona cikwavo Shukulu Kalunga wanjimwesele Yoshwa Muka-kukombelela Wakama nemana ku mesho a kangelo ka Shukulu Kalunga. Co kumukulo wa Yoshwa kwemanene lalo Satana, ngeci amuvangeye.

Mateo 13:19

Voshe vanu vaje vaziva majwi awa a Vumwene vwa Njambi oloni kuvawazivisisa, vanapu ngwe vimbuto vije vyawililile kumukulo wa ngila. Uje Muka-vuvi aija nakunyangulamo vije vivakuvile muli vakevo.

Mateo 22:5

Oloni vaje vavalanyele kuvombileko mbunge, vaile ku vipangi vyavo, umo waile ku lihya lyendi, mukwavo lalo waile ku venda yendi,

Mateo 4:10

Yesu wamukumbulwile ngwendi, “Tunda kuli yange, Satana! Omwo visoneka vinendeka ngwavyo, ‘Ukalemesa Shukulu Kalunga Njambi yove nakumupangela ikeye lika.’ ”

Mako 4:14

Muka-kukuva akuva lijwi lya Njambi.

Mako 4:16

Co lalo vanu vamo vanapu ngwe vimbuto vije vyawililile a mamanya. Omo vakevo vaziva lijwi, co valitambula vwasi-vwasi nakuvwaelela.

Mako 4:4

Co omo wakele nakukuva vimbuto mu lihya, vimo vyawililile kumukulo wa ngila, co tuzila vezile nakuvilya.

Luka 8:12

Co vije vimbuto vyawililile kumukulo wa ngila vinemanena vaje vaziva lijwi, oloni Liyavola aija nakutundisa lijwi mu vimbunge vyavo ngeci kesi vakulaele nakwovoka.

Vilinga vya Miluwa 17:32

Omo vazivile Paulu endeka akusanguka ku vatsi, vamo vamushendumwine, oloni veka vendekele ngwavo, “Tushaka ngeci wendeke vyuma evi lalo.”

Vilinga vya Miluwa 5:3

Oloni Petulu wendekele kuli ikeye ngwendi, “Ananiya, omwo vika unatava Satana akovele mu mbunge yove nakwendeka makuli kuli Munzinzime Wakujela akushweka litambelo limo lya vimbongo viwunatambula akulandesa vufuko vwove?

2 Kolinte 2:11

kutewa Satana akatuhyana, omwo tuzivuka vutumbe vwendi ali yetu.

2 Tesalonika 2:9

Uje Muka-vuvi akaija na nzili ya Satana nakulinga vizivukiso na vikomokeso vya makuli vya miyati yoshe,

VaHevelu 12:16

Nyanyameni ngeci naumo wai apwe muka-vupangala nambe muka-mbunge yaivi ngwe Isau, uje walandesele vukulunu vwendi kuli shongo yendi na tuvyakulya twatundondo lika.

VaHevelu 2:1

Ngecivene, twapande kukakateya mbe ku vushunga vutunazivi, kutewa tukongumuka nakutunda ku vyuma evi.

1 Petulu 5:8

Kesi mupende, pweni vaka-kukengelela! Citozi ceni Liyavola alinakwendangana nakwaana ngwe ndumba, ashakezeka umo ngeci amusanyozole.

Kujombolola 12:9

Co uje canza-ngombe wakama vamumbilile asi, uje linyoka wa ku san̄ulu vatumbula ngwavo Liyavola, uje wakwisile kaye koshe. Vamumbilile asi amo na tungelo twendi voshe.

Kujombolola 20:10

Asinoni Liyavola, uje wavakwisile, vamumbilile mu lishali lya tuhya na sulufa, muje muvombilile laja uje cikashama na muka-kwimanena wa makuli, co vakayanda manene mutanya na vutsiki myaka na myaka.

Kujombolola 20:7

Munima ya myaka 1,000, Satana vakamushokolola mu kamenga.