Mako 3:9 - Livulu lya Shukulu Kalunga

⁹ Co mbunga ya vanu yapwile yakama manene ngeci Yesu walekele vandongisi vendi vamuvwaesele cimweja vwato, ngeci vanu kesi vamusindakane.

Mako 3:9 Iomraidhean Croise

Mateo 15:39

Asinoni Yesu washandwele vanu ngeci vaye, ikeye wakovelele mu vwato, waile ku lifuti lya Mangandane.

Mako 4:1

Yesu washangumukile lalo kulongesa vanu ku kenge ya Lishali lya Ngalileya. Co mbunga yakama vakungulukile kuli ikeye nakumuzengeleka, ngecivene, wakovelele mu vwato nakutumbamamo. Vwato vwakele mu lishali alyala kamandondo, co vanu vemanene a nunda ku kenge ya mema.

Mako 4:36

Ngecivene, vasezele mbunga ya vanu, vandongisi vendi vakovelele muje mu vwato vwakovelele Yesu, co waile amo navo. Mato akwavo akele kuje.

Mako 5:2

Co omo Yesu watundile mu vwato, waliwanene na munalume umo watundile ku viilo. Uje munalume wakele na munzinzime wakujwala,

Mako 5:30

Co Yesu wazivukile ngeci nzili inamutundu mu muvila wendi, watengulukilile ku mbunga, co wehwile ngwendi, “Iya nakwata ku cikoveyo cange?”

Mako 6:32

Ngecivene, vakovelele mu vwato vaile ku mambo kwavo lika.

Luka 5:1

Litangwa limo Yesu wemanene ku cikuma ca Lishali lya Ngenesaleta omo vanu vakele nakulisindika kuya kuli ikeye ngeci vazive lijwi lya Njambi.

Luka 5:3

Yesu wakovelele mu vwato vumo, vwapwile vwa Simoni, co wamulombele ngeci avusindikile alyala kamandondo na cikuma. Yesu watumbamene mu vwato, co walongesele ije mbunga.

Yowano 6:15

Yesu wazivukile ngeci vashakele kumukwata ngeci vamupwise mwene yavo, ngecivene, waile ku malundu endi lika.