Mako 3:7 - Livulu lya Shukulu Kalunga

⁷ Yesu na vandongisi vendi vaile ku Lishali lya Ngalileya, co mbunga yakama ya vanu vamukavele. Vatundile ku Ngalileya, veka lalo vatundile ku Yundeya,

Mako 3:7 Iomraidhean Croise

Mateo 10:23

Omo vakamiyandesa mu limbo limo, teweleni ku limbo likwavo. Omwo mwa vushunga njimileka ngwange, kumukamanesa vipangi vyeni vyoshe mu membo a Isalele simbu kanda Muna Munu aije.

Mateo 12:15

Omo Yesu wazivukile vya vutumbe vwakumutsiya, watundile kuje, co vanu vavangi vamukavele. Co wakangwisile vaka-kuvinja vavavangi,

Mateo 12:16

co wavashikile ngwendi kesi vamutsimanese.

Mateo 4:25

Mbunga yamukavele vaje vatundile ku Ngalileya, na ku Vinganda Likumi, na ku Yelusalema, na ku Yundeya, na ku lifuti lya musambwa ya Ndonga ya Yondau.

Mako 1:39

Ngecivene, wetile mu Ngalileya mwoshe, wambulwile mu masinangonge nakutundisa minzinzime yakujwala.

Mako 1:45

Oloni uje munalume waile, co washangumukile kushandola ije n̄anda kwoshe-ikwoshe. Mwa vushunga vene, wambulwile manene ngeci Yesu kasele kuya mu nganda citona-mesho. Oloni wakele kwendi lika, co vanu vezile kuli lkeye vatundile kwoshe-ikwoshe.

Mako 3:20

Asinoni Yesu waile kwimbo. Co lalo mbunga yakama yalikungulwile ngeci Yesu na vandongisi vendi kuvakele na simbu yakulya.

Mako 4:1

Yesu washangumukile lalo kulongesa vanu ku kenge ya Lishali lya Ngalileya. Co mbunga yakama vakungulukile kuli ikeye nakumuzengeleka, ngecivene, wakovelele mu vwato nakutumbamamo. Vwato vwakele mu lishali alyala kamandondo, co vanu vemanene a nunda ku kenge ya mema.

Luka 23:5

Oloni vakevo vendekele na nzili ngwavo, “Ikeye alinakushongangeya vanu na vilongesa vyendi ngeci valinge mpindangono mu Yundeya mwoshe. Washangumukile mu Ngalileya, co ololo naija kuno.”

Luka 6:12

A simbu ije Yesu walamatele ku munkinda nakulombela, co wakele nakulombela vutsiki vwoshe kuli Njambi.

Luka 6:17

Omo Yesu washelumukile amo na miluwa vendi ku munkinda, co wemanene ku mutambela wakukunama na mbunga yakama ya vandongisi vendi. Co mbunga yakama ya vanu vatundile ku Yundeya na ku Yelusalema, na vaje vatundile ku vinganda vyakele ku cikuma ca ku Tile na ku Sindone,

Yowano 7:41

Veka vendekele ngwavo, “Ou ikeye Wakuvwavesa!” Oloni veka lalo ngwavo, “Wakuvwavesa kasa kutunda ku Ngalileya!

Yowano 7:52

Vakevo vamukumbulwile ngwavo, “Mwamuvwa, kuma nove lalo utunda ku Ngalileya ndi? Lava mu Visoneka, co uwana ngeci naumo wai muka-kwimanena akatunda ku Ngalileya.”

Vilinga vya Miluwa 17:10

Ku vutsiki vuje vene, vaka-kukulaela vatumine Paulu na Sialsi ku Mbeleya. Co omo vetele vakovelele mu sinangonge.

Vilinga vya Miluwa 17:14

Asinoni aje vene vaka-kukulaela vatumine Paulu ku cikuma, oloni Silasi na Timateo vasalele mu Mbeleya.

Yoshwa 20:7

Ngecivene, mu kangombe ka yambi ya Yondau vaangunwine Kendeshe mu Ngalileya, mu lifuti lya malundu lya Nafetali, na Shekeme yakele mu lifuti lya malundu lya Efalime, na Hevelone yakele mu lifuti lya malundu lya Yunda.

Yoshwa 21:32

Co ku mutambela wa Nafetali vavaaneneko vinganda vitatu, mazina avyo, Kendeshe mu Ngalileya (yapwile nganda imo mwakutewela), amolika na mitambela yakulila vimuna vavo, na Hamote Ndole, na Kaletane, amolika na mitambela yakulila vimuna vavo.