Mako 3:22 - Livulu lya Shukulu Kalunga

²² Co vamo valongisi va majwi a Lishiko vaje vatundile ku Yelusalema vendekele ngwavo, “Ali na Mbelezembulu! Mwene ya minzinzime yakujwala ikeye namwana nzili yakutundisa minzinzime yakujwala.”

Mako 3:22 Iomraidhean Croise

2 Vimyene 1:2

Mwene Ahaziya wa mu Isalele wawililile asi kutunda mu njanena ya njuvo yendi ya akamwa ya lipela mu Samaliya, co wavulumukile manene. Ngecivene, watumine miluwa vakehule Mbalezevuve, njambi wa Ekelone nganda ya Filisitiya, ngeci azivuke nga enduka nambe kenduka kukuvulumuka kwendi.

Myaso 22:6

Oloni yange kunjapwile lalo nji munu, njinapu lika nji musonginyi, njinapu nji munu wakushauka, munu uje ivakayeluwisa vanu voshe!

Mateo 10:25

Ngecivene, ndongisi napande kulilongesa ngeci apwe amo na mulongisi wendi, co ndungo lalo napande kupanga ngeci apwe amo na shukulu yendi. Nga vavenya njuvo vamutumbula ngwavo Mbelezembulu, cooni naanga ya mu njuvo ije vakavatumbula mazina amavi manene!

Mateo 11:18

Omwo Yowano wezile, kalile vyakulya nambe kunwa vinyu, co vendekele ngwavo, ‘Ali na munzinzime wakujwala!’

Mateo 12:24

Oloni omo vaFaliseo vavazivile, vendekele ngwavo, “Munalume ou alinakutundisa minzinzime yakujwala omwo ali na nzili yanamwana Mbelezembulu mwene ya minzinzime yakujwala.”

Mateo 15:1

Asinoni vaFaliseo vamo na valongisi va majwi a Lishiko vezile kuli Yesu vatundile ku Yelusalema, vamwihwile ngwavo,

Mateo 9:34

Oloni vaFaliseo vendekele ngwavo, “Mwene wa minzinzime yakujwala ikeye alinakumwana nzili yakutundisa minzinzime yakujwala!”

Mako 7:1

VaFaliseo vamo na valongisi va majwi a Lishiko vaje vatundile ku Yelusalema vakungulukilile kuli Yesu.

Luka 11:15

oloni vamo vendekele ngwavo, “Mbelezembulu mwene ya minzinzime yakujwala ikeye alinakumwana nzili yakuvatundisa.”

Luka 5:17

Litangwa limo omo Yesu wakele nakulongesa, vaFaliseo vamo na valongisi va majwi a Lishiko vatumbamene kuje vatundile mu vinganda vya ku Ngalileya na ku Yundeya na ku Yelusalema. Co nzili ya Shukulu Kalunga yakele ali Yesu mukuvakangwisa.

Yowano 10:22

Yapwile simbu ya cisika, co vanu valisambele Ciwano Cakukundika Njuvo ya Shukulu Kalunga mu Yelusalema.

Yowano 7:20

Mbunga vamukumbulwile ngwavo, “Muli yove muli munzinzime wakujwala! Iyajo ashaka kukutsiya?”

Yowano 8:48

Vehwile Yesu ngwavo, “Kuma kutwatombwele omo twendekele ngwetu u muka-Samaliya, co muli yove lalo muli munzinzime wakujwala?”

Yowano 8:52

Va Yesu vendekele kuli ikeye ngwavo, “Mwa vushunga ololo tunamono ngeci muli yove muli munzinzime wakujwala! Avilahama watsa, na vaka-kwimanena vatsa, co yove wendeka ngwove woshe ononoka vilongesa vyove kakatsi.