Mako 3:11 - Livulu lya Shukulu Kalunga

¹¹ Co omo vanu vaje vakele na minzinzime yakujwala vamumwene, vawililile asi ku mesho endi nakutambeka ngwavo, “Yove u Muna Njambi!”

Mako 3:11 Iomraidhean Croise

Mateo 14:33

Asinoni vandongisi vaje vakele mu vwato valemesele Yesu vendekele ngwavo, “Mwa vushunga vene yove u Muna Njambi!”

Mateo 4:3

Co Liyavola wezile kuli ikeye wendekele ngwendi, “Nga u Muna Njambi, shika mamanya awa ngeci alimuke makende.”

Mateo 4:6

co wendekele kuli ikeye ngwendi, “Nga u Muna Njambi, lyumbile asi, omwo visoneka vyendeka ngwavyo, ‘Njambi akashika tungelo twendi ali yove, co vakakukavwila na mavoko avo, ngeci myanja yove kesi ikatanuke ku limanya.’ ”

Mateo 8:29

Co vwasi-vwasi vatambekele ngwavo, “Ushaka kulinga vika netu ove Muna Njambi? Unaija nakutunyanyamesa omo simbu yetu kanda icete ndi?”

Mateo 8:31

co ije minzinzime yakujwala yalombele Yesu ngwayo, “Nga ututundisa muli vano vanu, tutume mu vutanga vwa vingulu vaje.”

Mako 1:1

Evi vikevyo Vin̄anda Vyavivwa vya ali Yesu Kilistu, Muna Njambi.

Luka 4:41

Na minzinzime yakujwala lalo yatundile muli vanu vavangi, co yatambekele ngwayo, “Yove unapu u Muna Njambi!” Yesu washikile minzinzime yakujwala ngeci kesi yendeke cuma cimo, omwo ikeyo yamuzivukile ngwayo ikeye Wakuvwavesa.

Luka 8:28

Omo wamwene Yesu, co walilile manene, wawililile ku myanja ya Yesu, co watambekele ngwendi, “Yesu, Muna Njambi wa Akamwa ya Vyoshe! Vika ushaka kulinga nange? Njilinakukulomba ngwange, kesi unjihise embwe!”

Vilinga vya Miluwa 16:17

Wakavele Paulu amo netu watambekele ngwendi, “Ava vanalume vanapu vangamba va Njambi wa Akamwa ya Vyoshe! Valinakwambulula kuli yeni ngila ya kwovoka!”

1 Kolinte 11:34

Nga umo ali na njala, alivange kulya ku njuvo yendi, kutewa mukakovela mu cihiso ca Njambi omo mukunguluka. Ngwe a vin̄anda vyeka lalo, njakuvishungamesa omo njikaija.

Yakomba 2:19

Unakulaela ngwove kwali Njambi umolika ndi? Mwamuvwa! Na minzinzime yakujwala lalo inakulaela, co ikajaja na lyova.