Mako 2:2 - Livulu lya Shukulu Kalunga

² Ngecivene, vanu vavangi vezile vakungulukilile kuje amolika ngeci kukwakele mwela wai, nameme ku cikolo ca njuvo. Co Yesu wambulwile lijwi kuli vakevo

Mako 2:2 Iomraidhean Croise

Myaso 40:9

Mu cikungulukilo cakama ca vanu vove voshe yove Shukulu Kalunga, njambulwile vin̄anda vyavivwa vyakutwamena. Yove uzivuka ngeci kunjikalikela kuvyambulula.

Mateo 5:2

co washangumukile kuvalongesa.

Mako 1:14

Omo Yowano vanamwaka laja mu kamenga, Yesu waile ku Ngalileya nakwambulula Vin̄anda Vyavivwa vya Njambi.

Mako 1:33

Co vanu voshe va mu nganda vakungulukilile ku njuvo ya Petulu.

Mako 1:37

co omo vamuwanene, vendekele ngwavo, “Vanu voshe valinakukushakezeka.”

Mako 1:45

Oloni uje munalume waile, co washangumukile kushandola ije n̄anda kwoshe-ikwoshe. Mwa vushunga vene, wambulwile manene ngeci Yesu kasele kuya mu nganda citona-mesho. Oloni wakele kwendi lika, co vanu vezile kuli lkeye vatundile kwoshe-ikwoshe.

Mako 2:1

Co omo kwetile lika matangwa amandondo Yesu welukile ku Kapenauma, co muzimbu washandokele ngwavo ali kwimbo.

Mako 2:13

Yesu welukile lalo ku kenge ya lishali lya Ngalileya. Co mbunga ya vanu vezile kuli ikeye, co washangumukile kuvalongesa.

Mako 6:34

Omo Yesu watundile mu vwato, wamwene mbunga yakama, co wavazivilile mema ku mbunge, omwo vapwile ngwe vimanga vakujeneka kanyungi. Ngecivene, washangumukile kuvalongesa vyuma vyavingi.

Luka 12:1

Vanu vavangi-vangi vakungulukilile amo, co valilyatangelele, Yesu wendekele akulivanga kuli vandongisi vendi ngwendi, “Nyanyameni ku musima wa vaFaliseo, njilumbununa a civembulu cavo.

Luka 5:17

Litangwa limo omo Yesu wakele nakulongesa, vaFaliseo vamo na valongisi va majwi a Lishiko vatumbamene kuje vatundile mu vinganda vya ku Ngalileya na ku Yundeya na ku Yelusalema. Co nzili ya Shukulu Kalunga yakele ali Yesu mukuvakangwisa.

Luka 8:1

Munima yevi Yesu waile nakwendangana mu vinganda na mu membo, nakwambulula Vin̄anda Vyavivwa vya Vumwene vwa Njambi. Vandongisi likumi na vavali vaile amo nendi,

Luka 8:11

“Omu mukemwo mucalumbunukila cisimo, vimbuto vinapu lijwi lya Njambi.

Vilinga vya Miluwa 11:19

Vaka-kukulaela vamo vaje vashandokele a mapakeso a simbu ije vatsiile Setefano vaile kulyala ku Fonisiya na ku Sepulasi na ku Antyoke vambulwile lijwi kuli vaYunda lika.

Vilinga vya Miluwa 14:25

Kuje vambululwile lijwi ku Pelenga, co vaile ku Atalya,

Vilinga vya Miluwa 16:6

Co vendele mu mutambela wa Filingiya na mu Ngalatiya omwo Munzinzime Wakujela wavavindikile kwambulula lijwi mu lifuti lya Asiya.

Vilinga vya Miluwa 8:25

Omo vamanesele kwana vukaleo vwavo nakwambulula muzimbu wa Mwene, Petulu na Yowano velukile ku Yelusalema. Mu ngila yavo vambulwile Vin̄anda Vyavivwa mu membo amangi a mu Samaliya.

Loma 10:8

Oloni evi vilinakwendeka ngeci, “Lijwi lya Njambi lili kuyehi nove, lili ku kanwa kove na mu mbunge yove” likelyo lijwi lyakukulaela lije tulinakwambulula.

2 Timateo 4:2

ambulula lijwi, kakateya akwendeka nambe a simbu yaivwa nambe kesi a simbu yaivwa, vayesa, endekela na mukutakamesa, longesa na lukakateya lwoshe.