Mako 2:13 - Livulu lya Shukulu Kalunga

¹³ Yesu welukile lalo ku kenge ya lishali lya Ngalileya. Co mbunga ya vanu vezile kuli ikeye, co washangumukile kuvalongesa.

Mako 2:13 Iomraidhean Croise

Mateo 13:1

A litangwa lije vene, Yesu watuukile mu njuvo, co wakatumbamene ku kenge ya lishali nakulongesa.

Mateo 9:9

Omo Yesu watundile ku mutambela uje, wamwene munu lizina lyendi Mateo, natumbama ku njuvo yakutambwila lisimu. Co Yesu wendekele kuli ikeye ngwendi, “Njikave.” Co Mateo wakatukile wamukavele.

Mako 1:45

Oloni uje munalume waile, co washangumukile kushandola ije n̄anda kwoshe-ikwoshe. Mwa vushunga vene, wambulwile manene ngeci Yesu kasele kuya mu nganda citona-mesho. Oloni wakele kwendi lika, co vanu vezile kuli lkeye vatundile kwoshe-ikwoshe.

Mako 10:1

Asinoni Yesu watundile ku mutambela uje, waile ku lifuti lya Yundeya, co wajavukile waile musambwa ya Ndonga ya Yondau. Co mbunga yakama ya vanu vezile lalo kuli ikeye, co wavalongesele, ngwe cilika cendi.

Mako 2:2

Ngecivene, vanu vavangi vezile vakungulukilile kuje amolika ngeci kukwakele mwela wai, nameme ku cikolo ca njuvo. Co Yesu wambulwile lijwi kuli vakevo

Mako 4:1

Yesu washangumukile lalo kulongesa vanu ku kenge ya Lishali lya Ngalileya. Co mbunga yakama vakungulukile kuli ikeye nakumuzengeleka, ngecivene, wakovelele mu vwato nakutumbamamo. Vwato vwakele mu lishali alyala kamandondo, co vanu vemanene a nunda ku kenge ya mema.

Luka 19:48

oloni kuvasele kuwana ngila muka vasa kucilinga, omwo vanu voshe vakele nakumutolilila ngeci kesi valojeo nambe lijwi limo.

Luka 21:38

Co mutondo-tondo vanu voshe vakele nakuya ku Njuvo ya Shukulu Kalunga nakumutolilila.