Mako 16:17 - Livulu lya Shukulu Kalunga

¹⁷ Co vaka-kukulaela vakavana nzili yakulinga vizivukiso, co vakatundisa minzinzime yakujwala mu lizina lyange, vakendeka vindaka vyaviha,

Mako 16:17 Iomraidhean Croise

Mako 9:38

Yowano wendekele ngwendi, “Mulongisi, twamwene munalume umo wakele nakutundisa minzinzime yakujwala mu lizina lyove, co twamulekele ngeci alikele, omwo ikeye kesi wa mu munga yetu embwe.”

Luka 10:17

Co vaje vanalume makumi atanu na avali na vanu vavali velukile lalo nakujolela kwakama. Vendekele ngwavo, “Mwene, nameme minzinzime yakujwala yatwononokele omwo twaishikile mu lizina lyove!”

Yowano 14:12

Mwa vushunga njimileka ngwange, woshe uje akulaela kuli yange akalinga vipangi vije vinjilinga, eyo, akalinga vipangi vyakama kutuvakana evi, omwo njilinakuya kuli Tate.

Vilinga vya Miluwa 10:46

Omwo vavazivile valinakwendeka mu vindaka vyeka nakushangazala vukama vwa Njambi. Asinoni Petulu wendekele ngwendi,

Vilinga vya Miluwa 16:18

Co walingile eci matangwa amangi, oloni Paulu waviililile, co watengulukile wendekele kuli uje munzinzime ngwendi, “Mu lizina lya Yesu Kilistu njikushika ngwange tunda muli ikeye!” Co uje munzinzime watundile muli ikeye a simbu ije vene.

Vilinga vya Miluwa 19:6

Paulu wakambekele mavoko endi ali vakevo, co Munzinzime Wakujela wezile ali vakevo, vendekele mu vindaka vyeka, co lalo vambulwile muzimbu wa Njambi.

Vilinga vya Miluwa 2:33

Ikeye namusangwila ku livoko lya cilyo lya Njambi, Ishe, co natambula Munzinzime Wakujela kuli ikeye, ngwe muje mwakulaesele. Vije mulinakumona ololo nakuziva vinapu vwana vwendi vuje netila ali yetu.

Vilinga vya Miluwa 5:16

Co vimbunga vya vanu vavangi vezile kutunda ku membo a kulyata na Yelusalema, vanenele vaka-kuvinja nambe vaje vakele na minzinzime yakujwala, co voshe vavakangwisile.

Vilinga vya Miluwa 8:7

Omwo minzinzime yakujwala yatundile muli vanu vavangi yatambekele na lijwi lyakama, vavangi vaka-tulepa na vilema vakangukile.

1 Kolinte 12:10

Munzinzime aana munu umo nzili yakulinga vizivukiso, kuli weka vwana vwakwambulula lijwi lya Njambi, co kuli weka lalo nzili yakulumbununa kutepesa akati ka mavwana aje atunda kuli Munzinzime na aje kuwatundile kuli ikeye. Kuli munu umo amwana nzili yakwendeka vindaka vyaviha, kuli weka lalo amwana nzili yakulumbununa vindaka vyaviha vije vendeka.

1 Kolinte 12:28

Mu cikungulukilo, Njambi naaka vyoshe mu mwela umo, mu mwela wakulivanga miluwa, mu mwela wamucivali vaka-kwimanena, co mu mwela wamucitatu valongisi, asinoni vaje vaka-kulinga vizivukiso, kwatako vaje vavanaana nzili yakukangwisa nambe kukwasa vakwavo nambe kuvatwamenena nambe kwendeka vindaka vyaviha.

1 Kolinte 12:30

nambe kukangwisa mishongo nambe kwendeka vindaka vyaviha nambe kunungulula vije vanendeka.

1 Kolinte 13:1

Nga njendeka mu vindaka vya vanu nambe vya tungelo, oloni nga kunjesi na cizemo, njinapu ngwe kutenda kwa vutale nambe kwoya kwa ngenjo.

1 Kolinte 14:2

Omwo vaje vendeka mu vindaka vyeka kuvesi nakwendeka kuli vakwavo oloni kuli Njambi, omwo naumo wai avaziva. Vendeka vyuma vyakushweka na nzili ya Munzinzime.