Mako 15:18 - Livulu lya Shukulu Kalunga

¹⁸ Asinoni vashangumukile kumukandelela ngwavo, “A vulye mwene wa vaYunda!”

Mako 15:18 Iomraidhean Croise

Kushangumuka 37:10

Oloni omo wailekele ishe na vandolome vendi, co ishe wamuluvalesele ngwendi, “Njozi mukajo oyo ya cifwa cangoco? Kuma yove uyongola ngwove vanyoko na vandolome vove amo nange tukakutsikamena ndi?”

Kushangumuka 37:20

Tulivwaeseni tumutsiye tumumbile mu mbulu. Co twasa kukendeka ngwetu cikashama namukwata. Asinoni tukamone oni vinjozi vyendi indi vikapanga vika.”

Mateo 27:29

Co vavindile cilongo ca minango ya mambimbo vacakele ku mutwe wendi, co vamwakele citi mu livoko lyendi lya cilyo, vatsikamene a mavuli ku mesho endi vamushendumwine ngwavo, “A vulye Mwene wa vaYunda!”

Mako 15:17

Co vamuzikile cikoveyo cacilaja cakuvenga, co vavindile cilongo ca minango ya mambimbo, vacakele ku mutwe wendi.

Mako 15:19

Co vamupupile na citi ku mutwe, co vamujekwilile mate, co vatsikamene a mavuli nakumulemesa.

Mako 15:2

Co Pilato wamwihwile ngwendi, “Yove Mwene wa vaYunda ndi?” Co Yesu wamukumbulwile ngwendi, “Omu muunendeka mukemwo vene.”

Yowano 19:3

vezile kuli ikeye vendekele ngwavo, “A vulye Mwene wa vaYunda!” Co vashwenyele kuli ikeye vamupupile vimbanda.