Mako 15:15 - Livulu lya Shukulu Kalunga

¹⁵ Ngecivene, Pilato washakele kuvwaelelesa ije mbunga, ngecivene, wecelele Mbalambasa. Asinoni wapupile Yesu makote,co wavaneneye ngeci vakamushukike a cilindakano.

Mako 15:15 Iomraidhean Croise

Myaso 129:3

Vanjitwile mikiki yakama mu mwongo wange, yapwile ngwe myonzongole.

Myaso 57:11

Mwesa vukama vwove mwilu ya melu yove Njambi, na vumpau vwove ano asi oshe!

Visimo 29:25

Kuzivila vanu lyova kunapu kulitela nganjo yove vavenya, oloni nga ukulaela kuli Shukulu Kalunga ukovoka.

Isaya 50:6

Njavatavele ngeci vanjipupe a mwongo, nakushuta munjezi wange, kunjavavindikile omo vanjishawile nakujekwila ku mesho ange.

Mateo 20:19

co vakamwana kuli vaje kesi vaYunda vaje vakamushendumuna, nakumupupa, co vakamushukika a cilindakano, oloni omo kuneti matangwa atatu akasanguka.”

Mateo 27:26

Asinoni Pilato wecelele Mbalambasa, co wapupile Yesu makote, co wavaneneye ngeci vakamushukike a cilindakano.

Mako 10:34

co vakamushendumuna, nakumujekwila mate, nakumupupa, co vakamutsiya, oloni omo kuneti matangwa atatu akasanguka.”

Mako 15:14

Oloni Pilato wavehwile lalo ngwendi, “Mulonga ukajo wanalingi?” Oloni voshe vatambekele manene ngwavo, “Mushukike a cilindakano!”

Luka 18:33

Vakamupupa, co vaka-mutsiya, oloni munima ya matangwa atatu akasanguka.”

Luka 23:16

Ngecivene, njikamupupa lika, co njimwecela ngeci aye.”

Yowano 19:1

Asinoni Pilato watambwile Yesu, co wamupupile makote.

Yowano 19:16

Asinoni Pilato wavanene Yesu ngeci vamushukike a cilindakano. Ngecivene, vatambwile Yesu.

Vilinga vya Miluwa 24:27

Oloni omo kwetile myaka ivali, Posiyase Fesitase washwanene mu mwela wa Felikisi kupwa nguvulu. Felikisi washakele kuvwaelelesa vaYunda, co wasezele Paulu mu kamenga.

Vilinga vya Miluwa 25:9

Oloni Fesitase washakele kuvwaelelesa vaYunda, ngecivene, wehwile Paulu ngwendi, “Ushaka kuya ku Yelusalema nakukusompelako a vin̄anda evi ku mesho ange ndi?”

Ngalatiya 1:19

Oloni kunjamwene miluwa veka kuvanga Yakomba, ndolome ya Mwene.

1 Petulu 2:24

Kilistu vavenya wambatele vuvi vwetu mu muvila wendi a cilindakano, ngeci tutse ku vuvi, co tukayoyele ku vushunga. A viveve vyendi akeo munawana kukanguka.