Mako 15:14 - Livulu lya Shukulu Kalunga

¹⁴ Oloni Pilato wavehwile lalo ngwendi, “Mulonga ukajo wanalingi?” Oloni voshe vatambekele manene ngwavo, “Mushukike a cilindakano!”

Mako 15:14 Iomraidhean Croise

Myaso 69:4

Vaje vaka-kunjizinda kujeneka mulonga vanatumu manene kutuvakana vin̄ambu vya ku mutwe wange. Vitozi vange vendeka makuli ali yange, vali na nzili, co vashaka kunjitsiya. Valinakunjisindiya kwilwisa vyuma vije kunjevile.

Isaya 53:3

Twamuyengwile nakumuvyana, wayandele nakuziva kuvavala. Naumo wai wakengele kuli ikeye, twamuyeluwisile ngwe kesi na seo.

Isaya 53:9

Vamwakele mu mbumbo amo na vaka-vuvi, vamutsindile amo na vaka-kufuka, nameme ngoco kakele na mulonga wai, nambe kwendeka makuli.”

Mateo 27:19

Omo Pilato watumbamene a litanda lyakusompa, munakazi wendi watumine majwi kuli ikeye ngwendi, “Kesi ulinge cuma cimo ali munu owo wakujeneka mulonga, omwo njozi njinaloto ya ali ikeye inanjiyandesa manene.”

Mateo 27:4

Wendekele ngwendi, “Njinalingi vuvi akwenda vungungu munu wakujeneka mulonga.” Vamukumbulwile ngwavo, “Ovyo vikajo kuli yetu? Owo mulonga wove!”

Mateo 27:54

Omo uje mukulunu wa mashwalale na mashwalale vaje vakele amo nendi nakunyunga Yesu, vamwene mandunduma, na vyuma vyeka vije vyalingiwile, vazivile lyova manene, co vendekele ngwavo, “Mwa vushunga kuma wapwile Muna Njambi!”

Mako 15:13

Co vatambekele ngwavo, “Mushukike a cilindakano!”

Mako 15:15

Ngecivene, Pilato washakele kuvwaelelesa ije mbunga, ngecivene, wecelele Mbalambasa. Asinoni wapupile Yesu makote,co wavaneneye ngeci vakamushukike a cilindakano.

Luka 23:21

Oloni vatambekele ngwavo, “Mushukike a cilindakano! Mushukike a cilindakano!”

Luka 23:4

Co Pilato wendekele kuli vakulunu va vaka-kukombelela na mbunga ngwendi, “Yange kunjawanene mulonga ali munu ou.”

Luka 23:41

Cihiso cetu cinatupande, omwo tutambula fweto ya vilinga vyetu, oloni munalume ou kesi na vuvi.”

Luka 23:47

Co mukulunu wa mashwalale wamwene vije vyalingiwile, washangazalele Njambi wendekele ngwendi, “Mwa vushunga munalume ou wapwile muka-vushunga!”

Yowano 18:38

Co Pilato wehwile ngwendi, “Vushunga vukevwo vuka?” Asinoni Pilato watuukile lalo anja kuli vanu wendekele kuli vakevo ngwendi, “Kunjawanene cuma cakumwanena mulonga.

Yowano 19:6

Omo vakulunu va vaka-kukombelela na vaka-kunyunga Njuvo ya Shukulu kalunga vamumwene, vatambekele ngwavo, “Mushukike a cilindakano! Mushukike a cilindakano!” Pilato wendekele kuli vakevo ngwendi, “Mwambateni mukamushukike a cilindakano. Omo kunjawanene mulonga wakumuhisa nawo wai.”

Vilinga vya Miluwa 13:28

Co nameme kuvawanene vukaleo ngeci vamutwale ku kutsa, oloni valombele Pilato ngeci amutsiye.

Vilinga vya Miluwa 19:34

Oloni omo vanangukile ngeci ikeye wapwile kaYunda, a maola avali voshe vatambekele amo cuma cimolika ngwavo, “Wakama Atemise wa mu Efeso!”

VaHevelu 7:26

Ngecivene, Yesu wapwa Muka-kukombelela wakama uje amona ngwe kujeneka kwetu. Wapwa wakujela, muli ikeye kumwesi mulonga nambe vuvi, vanamutundisa mukati ka vanu vaka vuvi, co vamusangwile nakumutwala mwilu.

1 Petulu 1:19

oloni vamipatwile na n̄ombelo ya ndando yakama ya Kilistu, uje wapwile ngwe muna manga wakujeneka livala nambe kapenga.