Mako 14:70 - Livulu lya Shukulu Kalunga

⁷⁰ Oloni Petulu wavyanene lalo. Co kasimbu lika vaje vemanene kuje vendekele kuli Petulu ngwavo, “Yove kuwapandele kuvyana ngwove yange kesi nji umo wavo embwe, omwo nove lalo utunda ku Ngalileya.”

Mako 14:70 Iomraidhean Croise

Mako 14:68

Oloni Petulu wavyanene ngwendi, “Yange kunjimuzivuka nambe kuzivizisa evi ulinakwendeka.” Co watuukile waile anja. Aje vene ndemba watambekele.

Mako 14:69

Co uje mumbanda wamumwene lalo kuje, co washangumukile kulekako vaje vemanene ku cikolo ngwendi, “Ou munu nendi lalo napu umo wavo!”

Mako 14:71

Asinoni Petulu wendekele ngwendi, “Njilisinga nakumileka vushunga ngwange, Njambi anjihise nga ngoconi, yange kunjimuzivuka ou munalume mulinakwendeka!”

Vilinga vya Miluwa 2:7

Co voshe valikomokelele nakwendeka ngwavo, “Kuma ava valinakwendeka ngeci kesi vaNgalileya ndi?

Maako 12:6

co vakevo vamuleka endeke ngwendi, “Shimbolete.” Oloni ikeye kasele kwendekamo, co endeka ngwendi, “Simbolete,” omwo ikeye kasele kwendeka kutumbula mwamuvwa. Co vakevo vamukokangeya nakumutsiila kuje vene ku Ndonga ya Yondau kwakujavukila. Co a simbu ije kwatsile vaEfalime vakupwa 42,000.