Mako 14:61 - Livulu lya Shukulu Kalunga

⁶¹ Oloni Yesu wolokele kuluu kendekele nambe lijwi limo lyai. Muka-kukombelela Wakama wamwihwile lalo ngwendi, “Yove u Wakuvwavesa, Muna Njambi Wakuvezika ndi?”

Mako 14:61 Iomraidhean Croise

Myaso 119:12

Shukulu Kalunga njikushangazala, njilongese mashiko ove.

Myaso 2:7

“Njikambulula vilongesa vya Shukulu Kalunga, ikeye wendekele ngwendi, ‘Yove unapu u munange, litangwa lya lelo njinapu nji isho.

Myaso 39:9

Njikoloka kuluu ngwe kaveveve, kunjikendeka lijwi nalimo lyai, omwo yove unanjimwesa tuyando twangacije.

Isaya 53:7

“Vamuyandesele, oloni wolokele kuluu, wolokele kuluu ngwe manga uje vatwala nakumutsiya, ngwe manga uje oloka kuluu kuli vaka-kumuteula.

Mateo 16:16

Simoni Petulu wamukumbulwile ngwendi, “Yove Wakuvwevesa, Muna Njambi Wakuyoya.”

Mateo 3:17

Co mwilu mwatundile lijwi ngwalyo, “Ou ikeye Munange injazema, njilinakuvwaelela ali ikeye.”

Mateo 8:29

Co vwasi-vwasi vatambekele ngwavo, “Ushaka kulinga vika netu ove Muna Njambi? Unaija nakutunyanyamesa omo simbu yetu kanda icete ndi?”

Mako 14:60

Co Muka-kukombelela Wakama wemanene ku mesho avo voshe wehwile Yesu ngwendi, “Kuwesi na majwi akukumbulula a vyuma evi valinakukuvangela ngeci ndi?”

Mako 15:2

Co Pilato wamwihwile ngwendi, “Yove Mwene wa vaYunda ndi?” Co Yesu wamukumbulwile ngwendi, “Omu muunendeka mukemwo vene.”

Yowano 1:34

Co Yowano wendekele ngwendi, ‘Yange njamumwene, co njimileka ngwange ou ikeye Muna Njambi.’ ”

Yowano 10:24

ngecivene, vanu vakungulukilile kuli ikeye vamwihwile ngwavo, “Visimbu vingai ukatuseza na citanga? Tuleke vushunga, yove Wakuvwavesa ndi?”

Yowano 10:36

Ngeci mwange ni, Tate wanjangwile nakunjituma ano a kaye. Vatijo mwendeka ngweni njilinakushaula Njambi omwo njendekele ngwange nji Muna Njambi?

Yowano 18:37

Pilato wamwihwile ngwendi, “Ngecivene, kuma yove unapu u mwene ndi?” Yesu wakumbulwile ngwendi, “Omo vene muunendeka ngwove nji mwene. A cuma eci vene njasemukile nakwija ano a kaye kwambulula vushunga. Woshe nakundama ku vushunga atolilila majwi ange.”

Yowano 19:7

Mbunga vamukumbulwile ngwavo, “Tuli na lishiko lije lyendeka ngeci napande vene kutsa, omwo nalipwisa ikeye vavenya Muna Njambi.”

Yowano 19:9

Wakovelele lalo mu lipela, co wehwile Yesu ngwendi, “Utunda kulijo?” Oloni Yesu kamukumbulwile.

Vilinga vya Miluwa 8:32

Co majwi a mu visoneka alavele akewo awa, “ Wafwile ngwe manga uje vatwala nakumutsiya, ngwe muna manga uje oloka kuluu kuli vaka-kumuteula, oloni wolokele kuluu.

1 Timateo 1:11

Kulongesa oku tuciwana mu lijwi lije livanjikundikile mukulyambulula, Vin̄anda Vyavivwa vyakutunda kuli Njambi wa vumpau nakuvezika.

1 Timateo 6:15

Njambi akamusholola a simbu ije ikapwa yaivwa, Ikeye Muka-kushika umolika, Mwene ya vimyene na Shukulu ya vashukulu.

1 Petulu 2:23

Omo vamushawile, kelwisile lalo vituka, omo wayandele, ikeye kalishungwiiye, oloni waakele cinyangavili cendi muli Njambi, lyaako wa vushunga.