Mako 14:31 - Livulu lya Shukulu Kalunga

³¹ Oloni Petulu wamukumbulwile manene na nzili ngwendi, “Nalumo lwai njikendeka ngwange kunjikuzivuka, nameme kutsa vene njikatsa amo nove!” Co na vandongisi voshe vendekele cuma cimo.

Mako 14:31 Iomraidhean Croise

1 Vimyene 11:22

Co mwene wamwihwile ngwendi, “Omwo vika? Yange njinonwa kukwana cuma cimo ndi? Cikeco ciwushakela kwilukila kwimbo ndi?” Handande wakumbulwile mwene ngwendi, “Embwe, njitave lika njiye.”. Co welukile ku lifuti lyendi. Akupwa mwene wa Endome, Handande wapwile citozi wamuvi manene wa vaIsalele.

2 Vimyene 8:13

Co Hazayele wehwile ngwendi, “Vatijo njikasa kuwana nzili ya cifwa oco? Yange nji munu wangoco!” Elisha wamukumbulwile ngwendi, “Shukulu Kalunga nanjimwesa ngeci yove ukapwa mwene wa Silya.”

Myaso 30:6

Omo njakele na vufuko njalyendekesele yange vavenya ngwange, “Kuvakanjifungulula.”

Kutuuka 19:8

Co vanu voshe vakumbulwile ngwavo, “Tukalinga vyuma vyoshe vije vyanendeka Shukulu Kalunga.” Co Mosesa wambulwile vyuma evi kuli Shukulu Kalunga.

Visimo 16:18

Kulyalesa manene kutwala munu kukunyonga.

Visimo 18:24

Munu wa vasamba vavangi alinyongesa ikeye vavenya, oloni musamba wa vushunga wa a mbunge natuvakana kavushoko.

Visimo 29:23

Kulyalesa kutwala kukunyonga, oloni nga ulikeesa, co vakakusingimiko.

Njelemiya 10:23

Shukulu Kalunga, njazivuka ngeci munu ikeye vavenya na mana endi kasa kwangula ngila yaivwa ngeci endemo, munu ikeye vavenya kesi na nzili yakwenda mwoshe mwashakela.

Njelemiya 17:9

“Mbunge ya munu yapwa ya makuli kutuvakana vyuma vyoshe, yapwa yaivi manene, iyajo aizivuka?

Mateo 10:33

Oloni woshe akanjivyana ku mesho a vanu, nange lalo njikamuvyana ku mesho a Tate ali mwilu.

Mako 10:39

Co vamukumbulwile ngwavo, “Twasa.” Yesu wendekele kuli vakevo ngwendi, “Mwa vushunga mukanwa mu nganja yange, co vakamimbwitika nakumbwitika kuje vakanjimbwitika nakwo yange.

Mako 14:30

Co Yesu wakumbulwile Petulu ngwendi, “Mwa vushunga njikuleka ngwange vutsiki vuno vene simbu omo ndemba kanda atambeke luvali, ukanjivyana visimbu vitatu ngwove kuunjizivuka.”

Mako 14:32

Co vaile ku mutambela umo uvatumbwile Ngetesemani, co Yesu wendekele kuli vandongisi vendi ngwendi, “Tumbameni kuno simbu njiya nakulombela.”

Luka 23:23

Oloni vanu vatambeleke ngwavo Yesu vamushukike a cilindakano, co kutambeka kwavo cavahyanesele.

Yowano 13:37

Petulu wehwile ngwendi, “Mwene, omwo vika kunjasa kukukava ololo? Njinalivwaesela cimweja kutsa amo nove!”