Mako 14:30 - Livulu lya Shukulu Kalunga

³⁰ Co Yesu wakumbulwile Petulu ngwendi, “Mwa vushunga njikuleka ngwange vutsiki vuno vene simbu omo ndemba kanda atambeke luvali, ukanjivyana visimbu vitatu ngwove kuunjizivuka.”

Mako 14:30 Iomraidhean Croise

Kushangumuka 1:13

Cingwezi lyatokele, co mutondo lyakile, lije lyapwile litangwa lyamucitatu.

Kushangumuka 1:19

Cingwezi lyatokele, co mutondo lyakile, lije lyapwile litangwa lyamuciwana.

Kushangumuka 1:23

Cingwezi lyatokele, co mutondo lyakile, lije lyapwile litangwa lyamucitanu.

Kushangumuka 1:5

Asinoni Njambi watumbwile ceke ngwendi “Mutanya,” co lisusulungu walitumbwile ngwendi “Vutsiki.” Cingwezi lyatokele, co mutondo lyakile, lije lyapwile litangwa lyakulivanga.

Kushangumuka 1:8

Njambi watumbwile uje mukambwila ngwendi “Lilu.” Cingwezi lyatokele, co mutondo lyakile, lije lyapwile litangwa lyamucivali.

Mateo 26:34

Yesu wakumbulwile Petulu ngwendi, “Mwa vushunga njikuleka ngwange, vutsiki vuno vene simbu ndemba kanda atambeke, ukanjivyana visimbu vitatu ngwove kuunjizivuka.”

Mako 13:35

Toneni, omwo kumuzivuka simbu ije yakeluka vavenya njuvo, nambe ku cingwezi, nambe akati ka vutsiki, nambe a vindemba, nambe ku mutondo.

Mako 14:29

Petulu wamukumbulwile ngwendi, “Nameme voshe vakakuseza, yange kunjikakuseza embwe!”

Mako 14:31

Oloni Petulu wamukumbulwile manene na nzili ngwendi, “Nalumo lwai njikendeka ngwange kunjikuzivuka, nameme kutsa vene njikatsa amo nove!” Co na vandongisi voshe vendekele cuma cimo.

Luka 22:34

Yesu wamukumbulwile ngwendi, “Mwa vushunga Petulu njikuleka ngwange, vutsiki vuno vene simbu kanda ndemba atambeke, ukanjivyana visimbu vitatu ngwove kuunjizivuka.”

Yowano 13:38

Yesu wakumbulwile ngwendi, “Kuma mwa vushunga unalivwaesela cimweja kutsa amo nange ndi? Mwa vushunga njikuleka ngwange, simbu ndemba kanda atambeke ukanjivyana visimbu vitatu ngwove kuunjizivuka.”

Yowano 18:17

Uje mumbanda wakele ku cikolo wehwile Petulu ngwendi, “Yove lalo kuwapwile umo wa vandongisi va munalume ou ndi?” Petulu wakumbulwile ngwendi, “Embwe, Kesi yange.”

1 Kolinte 10:12

Ngecivene, uje aliyongola ngwendi nemana mbe anyanyame manene kutewa awa.