Mako 14:28 - Livulu lya Shukulu Kalunga

²⁸ Oloni omo njikasanguka, njikalivanga kuya kulutwe lweni ku Ngalileya.”

Mako 14:28 Iomraidhean Croise

Mateo 16:21

Kutunda a simbu ije, Yesu washangumukile kuleka vandongisi vendi ngwendi, “Njinapande kuya ku Yelusalema, nakuyanda manene ku mavoko a vakulunu, na kuli vakulunu va vaka-kukombelela, na kuli valongisi va majwi a Lishiko. Co vakanjitwala ku kutsa, oloni omo kuneti matangwa atatu njikasanguka.”

Mateo 26:32

Oloni omo njikasanguka, njikalivanga kuya kulutwe lweni ku Ngalileya.”

Mateo 28:10

Asinoni Yesu wendekele ngwendi, “Kesi muzive lyova. Yeni mukaleke vandolome vange vakaye ku Ngalileya, kukekwo vakanjimwena.”

Mateo 28:16

Vandongisi likumi na umo vaile ku Ngalileya, ku munkinda kuje Yesu wavashikile ngeci vayeko.

Mateo 28:7

Asinoni yeni vwasi mukaleke vandongisi vendi ngweni, ‘Nasanguka laja ku vatsi, co nai laja ku Ngalileya kuje vene kukekwo mukamumwena!’ Anukeni vinjinamileka.”

Mako 14:29

Petulu wamukumbulwile ngwendi, “Nameme voshe vakakuseza, yange kunjikakuseza embwe!”

Mako 16:7

Oloni mukalekeko vandongisi vendi, na Petulu lalo ngweni, ‘Nai laja kulutwe ku Ngalileya, kuje vene kukekwo mukamumwena, ngwe muje mwamilekele.’ ”

Yowano 21:1

Munima yevi, Yesu walisholwele lalo kuli vandongisi vendi ku Lishali lya Timbelyase. Co omu mukemwo muvyalingiwile.