Mako 14:23 - Livulu lya Shukulu Kalunga

²³ Asinoni Yesu wanonele lalo nganja ya vinyu, wakandelele kuli Njambi, co wavaneneyo, co voshe vanwilemo.

Mako 14:23 Iomraidhean Croise

Mateo 26:27

Asinoni Yesu wanonele lalo nganja ya vinyu, wakandelelele kuli Njambi, co wavaneneyo nakwendeka ngwendi, “Nwenimo mulishumwine muvavoshe,

Mako 14:22

Omo vakele nakulya, Yesu wanonele likende, walombelele lilombelo lyakukandelela, co walipazwile walyanene ku vandongisi vendi ngwendi, “Tambuleni, eli linapu muvila wange.”

Mako 14:24

Co Yesu wendekele ngwendi, “Awa akewo maninga ange aje akakolesa cikumiiyo ca Njambi akewo akwitikila ali vanu vavangi.

Luka 22:17

Co Yesu wanonele nganja ya vinyu, wakandelelele kuli Njambi, co wendekele ngwendi, “Tambuleni nganja eyi mulishumwine akati keni,

Loma 14:6

Woshe uje ayongola seo ya litangwa limo napande alinge ngeci mukusingimika Mwene, woshe uje alya cuma coshe-icoshe napande kucilya mukusingimika Mwene, omwo akandelela kuli Njambi a vyakulya. Woshe uje avyana kulya vyakulya vimo avyana mukusingimika Mwene, co akandelela kuli Njambi.

1 Kolinte 10:16

Nganja ije tukapangesa ku Mesa ya Mwene, ije itukakandelela kuli Njambi, omo tuyinwa tulinakulipangela maninga a Kilistu. Na likende lije tukapazula, omo tulilya, tulinakulipangela muvila wa Kilistu.