Mako 14:21 - Livulu lya Shukulu Kalunga

²¹ Omwo Muna Munu akatsa ngwe muje muvanasoneka, oloni ngongo yendi uje enda vungungu Muna Munu! Mwamuvwa kuli munu uje nga kasemukile!”

Mako 14:21 Iomraidhean Croise

Kushangumuka 3:15

Njikaka vutozi akati kove na munakazi, na akati ka mbuto yendi na mbuto yove. Co mbuto yendi ikasanyozola mutwe wove, co yove lalo ukamushuma ku linsinsinye lyendi.”

Myaso 55:15

Vitozi vange vatse vwasi omo kanda simbu yavo ya kutsa yete, vanapande kuya mu vukalo vwa vatsi oku vaciyoya! Nzili ya vuvi ikeyo ilinakuvapangesa.

Isaya 52:14

Vanu vavangi vakasamene omo vamumwene, wapwile ngwe liinga-nyambi akumukenga, kapwile ngwe munu.

Ndanyele 9:24

“Visimbu vitanu na vivali vya myaka makumi atanu na avali inapu simbu yanemika Njambi yakupatula vanu vove na nganda yove yakujela ku vuvi na ku kupenga-penga. Ngecivene, vuvi vakavusambesa, co vushunga vukakala ku myaka yoshe, co cimona na vuka-kwimanena vikapwa vya vushunga, na Njuvo ya Shukulu Kalunga yakujela vakayikundika lalo.

Ndanyele 9:26

Co akukotoka ntwama uje yaangwile Njambi vakamutsiya kwakujeneka mulonga. Nganda na Njuvo ya Shukulu Kalunga vakayinyongesa kuli muka-kushwana uje akakalako. Kukotoka kukaija ngwe livazi, kunena nzita nakunyongesa vije vyanavwaesa Njambi.

Zakaliya 13:7

Shukulu Kalunga Muka-nzili yoshe alinakwendeka ngwendi, “Induka mukwale, ngeci ulwe na kanyungi kange uje muka-kunjipangela! Mutsiye, co vimanga vakalishandoka. Yange njikalwisa vanu vange,

Mateo 26:54

Oloni a vyuma vyangacije, co vatijo visoneka vyasa kupwamo, vije vinendeka ngeci vinapande kulingiwa mu cifwa eci vene?”

Mateo 26:56

Oloni vyoshe evi vyalingiwa ngeci vije vivendekele vaka-kwimanena mu visoneka vilingiwe.” Aje vene vandongisi vendi voshe vamusezele, co vatewele.

Mako 14:20

Yesu wavakumbulwile ngwendi, “Umo waakati keni likumi na vavali, uje vene natanta amo nange mu lilonga omo tunakele nakulya.

Mako 14:22

Omo vakele nakulya, Yesu wanonele likende, walombelele lilombelo lyakukandelela, co walipazwile walyanene ku vandongisi vendi ngwendi, “Tambuleni, eli linapu muvila wange.”

Mako 14:49

A litangwa na litangwa njakele neni mu Njuvo ya Shukulu Kalunga nakulongesa, co kumwanjikwatele, oloni Visoneka vinapande kulingiwa.”

Luka 22:22

Muna Munu akatsa ngwe muje mwanayongola Njambi, oloni ngongo yendi uje amwenda vungungu!”

Luka 24:44

Co wavalekele ngwendi, “Evi vikevyo vyuma vije njamilekele omo njakele neni ngwange, vyuma vyoshe vije vasonekele mu Lishiko lya Mosesa, na mu visoneka vya vaka-kwimanena, na mu Myaso vyakunjitumbula yange vinapande kulingiwa.”

Yowano 19:28

Omo Yesu wazivukile ngeci ololo vyuma vyoshe vinahu, co mukushulisa visoneka ngeci vipwe vya vushunga wendekele ngwendi, “Njili na lihwila.”

Vilinga vya Miluwa 1:25

ngeci apange vipangi vya muluwa mu mwela wa Yundasa, uje waasezele nakuya ku mutambela wendi.”

Vilinga vya Miluwa 2:23

Njambi mu cizango cendi vavenya wayongwele laja ngeci Yesu vakamwana ku mavoko eni, co yeni mwamutsiile akutava vaka-vivi ngeci vamushukike a cilindakano.

Vilinga vya Miluwa 4:27

“Omwo mwa vushunga vene Helonde na Pontiyu Pilato valikungulwile amo mu nganda ino amo na ava kesi vaYunda na vanu va Isalele nakulwisa Yesu, Ngamba yove wakujela uje iwavwavesele.