Mako 13:6 - Livulu lya Shukulu Kalunga

⁶ Vavangi vakaija mu lizina lyange vakendeka ngwavo, ‘Yange vene ikeye!’ Vakatangula vavangi.

Mako 13:6 Iomraidhean Croise

Njelemiya 14:14

Oloni Shukulu Kalunga wakumbulwile ngwendi, “Vaka-kwimanena valinakwendeka makuli mu lizina lyange, kunjavatumine embwe, nameme kuvana mashiko amo, nambe kwendeka lijwi limo kuli vakevo lyai. Vimona vije valinakwambulula kuvyesi nakutunda kuli yange, oloni vinapu vimona vyavo vyangoco, na manseno avo vavenya na viyongola vyavo vavenya.

Mateo 24:11

Co vaka-kwimanena va makuli vavangi vakasholoka, co vakatangula vanu vavangi.

Mateo 24:5

Omwo vanu vavangi vakaija mu lizina lyange vakendeka ngwavo, ‘Yange vene Wakuvwavesa!’ Co vakatangula vavangi.

Mako 13:22

Omwo kukasholoka vaKuvwavesa va makuli na vaka-kwimanena va makuli vakamwesa vizivukiso na vikomokeso vyakama, vakatangule nga citava nameme vaje vavaangwile kuli Njambi.

Mako 13:5

Co Yesu wendekele kuli vakevo ngwendi, “Nyanyameni, ngeci kesi mutave umo amitangule.

Mako 13:7

Co omo mukaziva muyoyo wa vinzita na muzimbu wa vinzita, oloni kesi mukajujuke. Evi vinapande kusholoka, oloni kuvilumbununa ngeci kukotoka kunete.

Yowano 5:43

Njinaija mu lizina lya Tate, oloni yeni kumwanjitambwile, nga weka aija mu lizina lyendi, mukamutambula.

Yowano 8:24

Mukemwo njamilekele ngwange mukatsa mu vivi vyeni. Omwo mukatsa mu vivi vyeni nga kumukulaela ngweni ‘Yange Ou Njapwa Munjapwa.’ ”

Yowano 8:28

Ngecivene, Yesu wendekele kuli vakevo ngwendi, “Omo mukajundula Muna Munu, asinoni mukazivuka ngweni ‘Yange Ou Njapwa Munjapwa’, asinoni mukazivuka ngeci kunjasa kulinga cuma cimo na nzili yange vavenya, oloni njendeka lika vije vyanjilongesele Tate.

1 Yowano 4:1

Vasamba vange vanjazema, kesi mukulaele kuli voshe vaje vendeka ngwavo vali na Munzinzime, oloni veluleni muwane ngeci nga munzinzime uje uvalinawo unatundu kuli Njambi. Omwo vaka-kwimanena vavangi va makuli vanashandokela kwoshe-ikwoshe.