Mako 13:19 - Livulu lya Shukulu Kalunga

¹⁹ Omwo a matangwa aje kukakala n̄avava ije kanda vaimoneo laja ano a kaye tunde akushangumuka omo Njambi watangele kaye kweta nalelo lino. Nambe kulutwe kuyikakalako lalo.

Mako 13:19 Iomraidhean Croise

Mbimbi 1:12

“Kuma eci kucesi nakulumbununa cuma cimo kuli yeni mulinakwita mu ngila ndi? Kengeni nga kuli umo namono tuyando ngwe yange, tuyando tuje nanjinenela Shukulu Kalunga a simbu ya vukalu vwendi vwakama.

Mbimbi 2:13

Ove Yelusalema, Yelusalema injazema, vikajo njendeka kuli yove? Vatijo njikuzembeleka? Kukwesi umo wayandele ngeci wai. Tuyando twove tunaama ngwe mema a kalunga, iyajo asa kukukangwisa?

Mbimbi 4:6

Vanu vange vanavanyanyamesa manene kutuvakana vuvi vwa Sondoma, nganda ije yanyongele na nzili ya Njambi.

Ndanyele 12:1

Kangelo uje wazalele vuzalo vwa linyu wendekele ngwendi, “A simbu ije kangelo Mingeli, uje muka-kunyunga vanu vove akasholoka. Asinoni kukakala simbu ya tuyando, tuyando twakama manene tuje kutwakeleko tunde aje vatangelele kaye. Omo simbu ije iketa, vanu voshe va ku muyati wove vaje mazina avo vanawasoneka mu livulu lya Njambi vakovoka.

Ndanyele 9:12

Yove walingile vije wendekele ngwove ukavilinga kuli yetu na kuli vaka-kushwana vetu. Wanyanyamesele manene Yelusalema kutuvakana vinganda vyoshe vya ano asi,

Ndanyele 9:26

Co akukotoka ntwama uje yaangwile Njambi vakamutsiya kwakujeneka mulonga. Nganda na Njuvo ya Shukulu Kalunga vakayinyongesa kuli muka-kushwana uje akakalako. Kukotoka kukaija ngwe livazi, kunena nzita nakunyongesa vije vyanavwaesa Njambi.

Njwele 2:2

Likelyo likapwa litangwa lya lisusulungu, litangwa lya mashelwa akuzivala vwii. Vinjame vyakama vya vimbimba mikumbi vikafwika akamwa ya minkinda ngwe lisusulungu. Kukwakele cuma cimo cakufwa ngwe eci, co kukukakala lalo cuma cakufwa ngwe eci.

Mateo 24:21

Omwo a matangwa aje kukakala n̄avava ije kanda vaimoneo laja tunde akutanga kwa kaye kweta nalelo lino. Nambe kulutwe kuyikakalako lalo.

Mako 10:6

Oloni akushangumuka, a simbu yakutanga, ‘Njambi wavatangele munalume na munakazi,’ ngwe muvyendeka visoneka.

Mako 13:18

Lombeleni kuli Njambi ngeci vyuma evi kesi vikalingiwe a simbu ya cisika!

Mako 13:20

Co nga Shukulu Kalunga kakeesele matangwa aje, nga munu naumo wai akovoka. Oloni naakeesa omwo vanu vendi vaje vaangwile.

Kwituluka mu Mashiko 28:59

co akatuma kuli yeni na kuli vatekulwila veni mishongo yakujeneka kusaka, na mishongo yakukomokesa ije naumo wai akasa kuyivindika.

Kwituluka mu Mashiko 4:32

“Ihuleni vya kunima a simbu ije omo kanda musemuke, kutunda a litangwa lije Njambi watangele munu ano asi. Co ihuleni lalo ano asi oshe, nga kwalingiwile cuma cimo cakama cakufwa ngwe eci.

Kujombolola 7:14

Co njakumbulwile ngwange, “Mwane, yange kunjizivuka, yove uzivuka.” Co wendekele kuli yange ngwendi, “Ava vakevo vanu vanatundu mu n̄avava yakama kujeneka vushonde. Co vanakushu vuzalo vwavo nakuvutokesa too mu maninga a Muna Manga.