Mako 12:7 - Livulu lya Shukulu Kalunga

⁷ Oloni vaje vaka-vipangi valyendekesele akati kavo ngwavo, ‘Ou ikeye muna vavenya citungu. Ijeni tumutsiye, co tukafungulula vufuko vwendi!’

Mako 12:7 Iomraidhean Croise

Kushangumuka 3:15

Njikaka vutozi akati kove na munakazi, na akati ka mbuto yendi na mbuto yove. Co mbuto yendi ikasanyozola mutwe wove, co yove lalo ukamushuma ku linsinsinye lyendi.”

Kushangumuka 37:20

Tulivwaeseni tumutsiye tumumbile mu mbulu. Co twasa kukendeka ngwetu cikashama namukwata. Asinoni tukamone oni vinjozi vyendi indi vikapanga vika.”

Isaya 49:7

Njambi wakujela wa Isalele na muyoyesi nendeka kuli uje uvayengula vanu, uje ivazinda vaka-mafuti, nakupwa ngamba ya vaka-kushwana ngwendi, “Vimyene vakakumona omo ukapatuka, co vakemana mukumwesa kasingimiko kavo, na vana va vimyene lalo vakacimona, co vakakulama nakukusingimika.” Eci cikalingiwa omwo Shukulu Kalunga, naangula ngamba yendi, Njambi wakujela wa Isalele, muka-kunyunga cikulaeso cendi.

Mateo 2:16

Omo Helonde wamwene ngeci vaka-mana vaje vatundile mu ngangela vanamukwisa, waluvalele manene. Watumine mashwalale vendi ngeci vatsiye vanike voshe va vanalume vaje vakele mu Mbetelehema na mu membo akwatako, washikile ngeci vatsiye vanike vaje vakele na myaka ivali na vaje vavandondo, ngwe muje mwakon̄ele vaka-mana a simbu ije omo ngongonosi yasholokele.

Mateo 21:34

Omo simbu yakuvuya vushuka yetele, watumine vindungo vendi kuli vaka-kupanga mukutambula litambelo lyendi ku vije vanateje.

Mako 12:12

Co vantwama va vaYunda vashakele kukwata Yesu, omwo vazivukile ngwavo Yesu navatela cisimo eci mukuvalwisa. Oloni vazivile lyova lya mbunga ya vanu, ngecivene, vamusezele, co vaile.

Mako 12:6

Kwasalele munendi umolika ikeye yatumineko uje yazemene. Akukotoka watumineko munendi wendekele ngwendi, ‘Mwa vushunga vakasingimika munange.’

Mako 12:8

Ngecivene, vamukwatele vamutsiile, co vombilile muvila wendi anja ya citungu.”

Vilinga vya Miluwa 2:23

Njambi mu cizango cendi vavenya wayongwele laja ngeci Yesu vakamwana ku mavoko eni, co yeni mwamutsiile akutava vaka-vivi ngeci vamushukike a cilindakano.

Vilinga vya Miluwa 5:28

“Twamishikile ngwetu kesi mulongese lalo mu lizina lya munalume ou, oloni kengeni evi vimunalingi! Munashandola laja vilongesa vyeni mu Yelusalema mwoshe, co mushaka lalo mutuwanese mulonga wa kutsa kwendi!”

Vilinga vya Miluwa 7:52

Muka-kwimanena mukajo ivajenekele kuyandesa vakukulwila veni? Vakukulwila veni vatsiile miluwa va Njambi vaje ku san̄ulu vambulwile kwija kwa Ngamba yendi wa vushunga. Co ololo yeni munamwende vungungu nakumutsiya.

VaHevelu 1:2

oloni a matangwa ano akukotokela nendeka kuli yetu ali Munendi, uje yanapwisa shwana ya vyuma vyoshe, co ali ikeye lalo watangele vyuma vyoshe.