Mako 12:6 - Livulu lya Shukulu Kalunga

⁶ Kwasalele munendi umolika ikeye yatumineko uje yazemene. Akukotoka watumineko munendi wendekele ngwendi, ‘Mwa vushunga vakasingimika munange.’

Mako 12:6 Iomraidhean Croise

Kushangumuka 22:12

Co kangelo ka Shukulu Kalunga wendekele ngwendi, “Kesi uvulumune mwanike nameme kulinga cuma cimo kuli ikeye. Ololo njinazivuka ngeci yove ulinakukomoka Njambi, omwo yove unatavele kunjana munove umolika.”

Kushangumuka 22:2

Njambi walekele Avilahama ngwendi, “Ambata munove Isake, ou munove umolika iwazema manene. Ya ku lifuti lya Moliya, ukamukombelele kupwa n̄ombelo ya kwenyeka ku munkinda uje unjikakuleka.”

Kushangumuka 37:3

Yakomba wazemene manene Yosefa kutuvakana vana vendi voshe va vanalume omwo wapwile munendi wa mu vukulukazi vwendi. Wamutongelele cikoveyo cacilaja mavoko.

Kushangumuka 44:20

Twakumbulwile ngwetu, ‘Eyo shukulu tuli na tatetu nakuluvala laja na shongo yetu wamundondo, uje yakitile tate mu vukulukazi vwendi. Co ndolome ya uje mukwenje watsa, ikeye lika nasalako mwimo lya vaina aciyoya kunau, co ishe wamuzema manene.’

Myaso 2:12

tsembeni myanja yendi, kutewa aluvala ngeci munyonge vwasi-vwasi, omwo vukalu vwendi vushwama vwasi. Vavezika voshe vaje vatewela muli ikeye.

Myaso 2:7

“Njikambulula vilongesa vya Shukulu Kalunga, ikeye wendekele ngwendi, ‘Yove unapu u munange, litangwa lya lelo njinapu nji isho.

Isaya 42:1

Shukulu Kalunga alinakwendeka ngwendi, “Kengeni ngamba yange uje injinatakamesa, uje injinaangula, muli ikeye njinavwaelela. Njikaka munzinzime wange ali ikeye, co akanena vushunga ku mafuti oshe.

Mateo 1:23

“Kengeni, mumbanda uje kanda alimone na munalume akakala na kafumba, co akakita mwana wa munalume, vakamutumbula Manuwele” (kulumbununa ngwavo, “Njambi ali netu”).

Mateo 11:27

“Vyuma vyoshe Tate nanjanavyo. Co lalo naumo wai azivuka Mwana kuvanga Ishe, co lalo naumo wai azivuka Ishe kuvanga Mwana, na vaje voshe vashaka Mwana kuvasholwelaye.

Mateo 17:5

Omo wacikele nakwendeka, lishelwa lyakuvyazima lyavafwikile, co lijwi lyatundile mu lishelwa lyendekele kuli vakevo ngwalyo, “Ou ikeye Munange injazema, njilinakuvwaelela ali ikeye, mutolilileni!”

Mateo 26:63

Oloni Yesu wolokele kuluu. Co Muka-kukombelela Wakama wendekele kuli ikeye lalo ngwendi, “Mu lizina lya Njambi wakuyoya, ololo njikuleka ulisinge ngeci utuleke nga yove u Wakuvwavesa, Muna Njambi.”

Mateo 3:17

Co mwilu mwatundile lijwi ngwalyo, “Ou ikeye Munange injazema, njilinakuvwaelela ali ikeye.”

Mako 1:11

Co mwilu mwatundile lijwi ngwalyo, “Yove u Munange injazema. Njilinakuvwaelela ali yove.”

Mako 12:5

Co vavenya citungu watumineko lalo ndungo mukwavo, co vamutsile, co valingile vakwavo vavangi mu cifwa cije vene, vamo vavapupangele, co vakwavo vavatsiile.

Mako 12:7

Oloni vaje vaka-vipangi valyendekesele akati kavo ngwavo, ‘Ou ikeye muna vavenya citungu. Ijeni tumutsiye, co tukafungulula vufuko vwendi!’

Mako 9:7

Asinoni lishelwa lyezile nakuvafwika, co lijwi lyatundile mu lishelwa lyendekele kuli vakevo ngwalyo, “Ou ikeye Munange injazema, mutolilileni!”

Luka 3:22

co Munzinzime Wakujela washulukile ali ikeye mu cifwa ngwe katela. Co mwilu mwatundile lijwi ngwalyo, “Yove u Munange injazema, njilinakuvwaelela ali yove.”

Luka 9:35

Co lijwi lyatundile mu lishelwa lyendekele kuli vakevo ngwalyo, “Ou ikeye Munange injinaangula, mutolilileni!”

Yowano 1:14

Co Lijwi lyemukile munu, lyashulile na kutetela navushunga, co lyakele akati ketu. Twamwene vumpau vwendi, vumpau vuje vwaatambwile akupwa mwana umolika wa Ishe.

Yowano 1:18

Naumo wai wamona Njambi, kuvanga Mwana uje umolika, wakulifwa mumo na Njambi, uje ali ku mati ya Ishe, ikeye namusholola.

Yowano 1:34

Co Yowano wendekele ngwendi, ‘Yange njamumwene, co njimileka ngwange ou ikeye Muna Njambi.’ ”

Yowano 1:49

Natanele wamukumbulwile ngwendi, “Mulongisi, yove unapu u Muna Njambi! Yove Mwene wa Isalele!”

Yowano 3:35

Ishe wazema Mwana, co naaka vyuma vyoshe mu mavoko endi.

Yowano 5:23

ngeci voshe vasingimike Mwana ngwe muvakasingimika Ishe. Uje kasingimika Mwana kasingimika Ishe uje wamutumine.

VaHevelu 1:6

Oloni omo Njambi wakele kuyehi nakutuma Munendi wa ntwatwa mu kaye, co wendekele ngwendi, “Tungelo voshe va Njambi vanapande kumulemesa.”

1 Yowano 4:9

Co Njambi nasholola cizemo cendi kuli yetu omwo watumine Munendi umolika mu kaye ngeci tukale na mwonyo muli ikeye.

3 Yowano 1:1

Mukanda wakutunda kuli Mukulunu. Kuli muka-cizemo cange Ngayu, uje injazema mu vushunga.