Mako 12:28 - Livulu lya Shukulu Kalunga

²⁸ Co mulongisi wa majwi a Lishiko wakele kuje omo wazivile vimata vije. Co wamwene ngeci Yesu nakumbulula vaSanduki mu ngila yaivwa, ngecivene, wezile kuli Yesu nakumwihula ngwendi, “Lishiko muka lyakama ku Mashiko a Njambi?”

Mako 12:28 Iomraidhean Croise

Mateo 19:18

Wamwihwile ngwendi, “Mashiko akajo?” Co Yesu wamukumbulwile ngwendi, “Kesi utsiye, kesi ukalinge vupangala, kesi ukaive, kesi ukavangele mukweni vukaleo vwa makuli,

Mateo 23:23

“Tuyando tweni, valongisi va majwi a Lishiko na vaFaliseo! Eni vaka-civembulu! Yeni mukaana kuli Njambi camulikumi nameme vyuma mukatovesa vyakulya, ngwe visapa-sapa amo akunika, na vyuma vyakunika lalo, na vije vyakunika vikwavo, oloni kumwesi kwononoka majwi a Lishiko lya Njambi, ngwe vushunga, na mema ku mbunge, nakukulaela. Evi munapande kuvilinga, kesi mulikele kulinga vikwavo.

Mateo 5:19

Ngecivene, woshe apokola lishiko limo lya ku majwi a Lishiko, co alongesa vanu ngeci valingemo, akapwa wamundondo mu Vumwene vwa mwilu, oloni woshe akawononoka nakuwalongesa vakwavo, akapwa wakama mu Vumwene vwa mwilu.

Mako 9:14

Omo vezile kuli vandongisi vaje vasalele, vamwene mbunga yakama yavazengelekele, co vamo valongisi va majwi a Lishiko vavazengelekele nakulinga navo vimata.

Luka 11:42

“Tuyando tweni, vaFaliseo! Yeni mukaana kuli Njambi camulikumi a vyuma mukatovesa vyakulya ngwe visapa-sapa amo akunika, na luku, na visapa-sapa vikwavo, oloni muzinda vushunga nakuvyana cizemo ceni kuli Njambi. Evi munapande kuvilinga kujeneka kulikela kulinga vije vikwavo.

Luka 20:39

Co vamo valongisi va majwi a Lishiko vendekele ngwavo, “Mulongisi, unakumbulula mwamuvwa!”