Mako 12:24 - Livulu lya Shukulu Kalunga

²⁴ Yesu wavakumbulwile ngwendi, “Yeni mwasevuka! Co kuma yeni kumuzivuka ngweni omwo vika? Omwo kumuzivuka Visoneka na nzili ya Njambi.

Mako 12:24 Iomraidhean Croise

Kushangumuka 18:14

Kuma kuli cuma cimo cacikalu kuli Shukulu Kalunga ndi? Ngwe vene munjinendeka, a simbu ino vene mungolosika njikeluka kuli yove, co Sala akakita mwana wa munalume.”

Isaya 25:8

Shukulu Kalunga wa Akamwa ya Vyoshe akanyongesa nzili ya kutsa nakusikumuna misozi ku mesho a munu na munu, co vanu vendi kuvakazivi shwamwa kwoshe-ikwoshe muno mu kaye mwoshe. Shukulu Kalunga vavenya nendekamo.

Isaya 26:19

Vanu vetu vaje vanatsi vakayoya lalo! Mivila yavo ikasangukila lalo ku mwonyo. Voshe vaje vali mu vimbumbo, vakenduka nakwimba nakujolela. Ngwe lime litonolwela asi, ngecivene, Shukulu Kalunga akasangula lalo vanu vaje vatsile laja.

Isaya 8:20

Co yeni vakumbululeni ngweni, “Tolilileni ku vije vyamilongesa Shukulu Kalunga! Kesi mutolilile kuli vaka-kwendeka na vakulu mbwe, vije vivamileka kuvyasa kumikwasa.”

Njelemiya 32:17

“Shukulu Kalunga wa Akamwa ya Vyoshe, yove watangele kaye na melu na nzili yove yakama, na livoko lyove lyakwolola, kukwesi cuma cacikalu kuli yove cai.

Ndanyele 12:2

Co vungi vwa vaje vatsile laja vakakala lalo na mwonyo. Vamo akati kavo vakakala na mwonyo ku myaka yoshe, co vakwavo vakakala na shwamwa yakama ku myaka yoshe.

Hoziya 13:14

Kunjikasa kwamena vanu ava kutunda ku vukalo vwa vatsi, nameme kuvovola ku nzili ya kutsa. Yove kutsa, nena mishongo yove, yove vukalo vwa vatsi, nena kunyongesa kwove. Kunjikazivila vanu ava mema ku mbunge.

Hoziya 6:2

Munima ya matangwa avali nambe atatu, akatwindula, ngeci tukayoye ku mesho endi.

Hoziya 6:6

Njishaka cizemo ceni cije kucesi kutenguluka, kesi vin̄ombelo vyeni vya tusitu embwe. Njishaka ngeci vanu vange vanjizivuke kutuvakana vanjikombelele vin̄ombelo vya kwenyeka.

Hoziya 8:12

Njisonekela vanu vilongesa vyavingi, oloni valinakuvivyana ngwavo vinapu vyakukomokesa vya vungenzi kuli vakevo.

Mateo 22:29

Oloni Yesu wavakumbulwile ngwendi, “Yeni mwasevuka! Omwo kumuzivuka Visoneka nambe nzili ya Njambi.

Mako 10:27

Yesu wavakengele shwii, co wavakumbulwile ngwendi, “Eci cinakaluwa lika kuli vanu, oloni kuli Njambi vyuma vyoshe vyavyasi.”

Mako 12:23

Ololo oni omo vatsi voshe vakasanguka a litangwa lya cisangukilo, uje munakazi akapwa weya akati ka vaje voshe vamwambatele vatanu na vavali?”

Mako 12:25

Omwo vatsi vakasanguka, vakevo vakafwa ngwe tungelo vali mwilu, co kuvakambata.

Luka 1:37

Omwo cuma nacimo cai cahonwa Njambi kulinga.”

Yowano 20:9

(Omwo nameme ngoco kuvazivisisile visoneka vije vyendekele ngwavyo napande kusanguka ku vatsi.)

Yowano 5:39

Mulinakulilongesa Visoneka, omwo muyongola ngweni mu vikevyo muwanamo mwonyo wa myaka yoshe. Co visoneka evi vyambulula vukaleo vwange!

Vilinga vya Miluwa 17:11

VaYunda vakuje vapwile vakushokoloka ku vimbunge kutuvakana va ku Tesalonika. Omo vatolililile ku lijwi na vimbunge vyakuzituka, co a litangwa na litangwa valilongesele Visoneka kumona nga vije vyendekele Paulu vyapwile vya vushunga.

Loma 15:4

Vyuma vyoshe vije vivasonekele mu Visoneka vavisonekele mukutulongesa, ngeci tukale na cinyangavili cakutunda ku lukakateya nakukutakamesa kuje kutunda ku Visoneka.

Efeso 1:19

na nzili yendi yakama ije ilinakupanga muli yetu yetu vaje vakulaela. Nzili eyi ilinakupanga muli yetu inapu nzili yakututakamesa,

Filipu 3:21

Ikeye akemukisa mivila yetu yakuvotsiya ya kutsa nakuyipwisa ngwe muvila wendi vavenya wa vumpau, kupangesa nzili ije ikeye asa kunena vyuma vyoshe mwisi yakushika kwendi.