Mako 12:15 - Livulu lya Shukulu Kalunga

¹⁵ Oloni Yesu wazivukile viyongola vyavo, co wavakumbulwile ngwendi, “Vikajo mulinakunjesekela? Neneni oyo mbongo ya siliva kuli yange, ngeci njiimone.”

Mako 12:15 Iomraidhean Croise

Ezekiyele 17:2

“Muna munu, leka vaIsalele cisimo eci,

Mateo 20:2

Ikeye walizivasanene navo kuvafweta fweto ya a litangwa mbongo ya siliva, co wavatumine ku lihya lyendi nakupanga.

Mateo 22:18

Oloni Yesu wazivukile laja viyongola vyavo na vutumbe vwavo vwavuvi, co wendekele ngwendi, “Yeni vaka-civembulu! Vikajo mulinakunjesekela?

Mako 10:2

Co vaFaliseo vamo vezile kuli ikeye nakumweseka vamwihwile ngwavo, “Tuleke, kuma Lishiko lyetu litavesa munalume kukondola munakazi wendi ndi?”

Mako 12:14

Co vezile kuli ikeye vendekele ngwavo, “Mulongisi, twazivuka ngwetu yove ukendeka vushunga, co ukalongesa vushunga vwa cizango ca Njambi ali munu kujeneka kulipesa a viyongola vya vanu. Omwo kuwesi kukenga ali munu nambe wapwa wa vulemu nambe kesi wa vulemu. Tuleke, kuma Lishiko lyetu litavesa kufweta lisimu kuli Sezale indi embwe?”

Mako 12:16

Co vamwanene mbongo imo, wavehwile ngwendi, “Cihanga ceya na lizina lyeya evi viliho?” Co vamukumbulwile ngwavo, “Vya Sezale.”

Luka 20:23

Oloni Yesu wazivukile viyongola vyavo, co wendekele kuli vakevo ngwendi,

Yowano 21:17

Yesu wendekele simbu yamucitatu ngwendi, “Simoni muna Yowano, wanjizema ndi?” Petulu wakele na vusiwa omwo Yesu wamwihwile simbu yamucitatu ngwendi, “Wanjizema ndi?” Co Petulu wendekele kuli ikeye ngwendi, “Mwene yove uzivuka vyuma vyoshe, uzivuka ngeci njakuzema!” Yesu wendekele kuli ikeye ngwendi, “Nyunga vimanga vange.

Yowano 8:6

Vendekele ngeci mukweseka Yesu, ngeci vamuwanene kashwilo. Oloni Yesu wakulamene nakusoneka asi na mulavo wendi.

Vilinga vya Miluwa 5:9

Ngecivene, Petulu wendekele kuli ikeye ngwendi, “Omwo vikajo nove na munalume wove mwayongola kweseka Munzinzime wa Shukulu Kalunga? Kenga, vanalume vanakatsindile munalume wove ava vali ku cikolo ololo vene, co vakevo vakakutwala yove lalo!”

1 Kolinte 10:9

Kutwapandele kweseka Mwene, ngwe muvalingile vamo vavo, co vatsile ku manyoka.

VaHevelu 4:13

Cuma nacimo cai cakushweka kuli Njambi, vyuma vyoshe vije vivatangele kukwesi cuma cakufwika, vyoshe vili anja ku mesho endi. Co kuli ikeye tuvavoshe tunapande kulyambulwila vyetu yetu vavenya.

Kujombolola 2:23

Co lalo njikatsiya vaka-kumukava, asinoni vikungulukilo vyoshe vikazivuka ngeci kuma yange uje azivuka viyongola vya vanu na vizango vyavo. Njikafweta umo na umo weni kupwisa ku vilinga vyendi.