Mako 11:23 - Livulu lya Shukulu Kalunga

²³ Mwa vushunga njimileka ngwange woshe uje akendeka ku lilundu eli ngwendi katuka ulyumbile mu mema a kalunga, co kalingi vimata mu mbunge yendi, oloni akulaela lika ngeci vije alinakwendeka vikalingiwa, vakamulingilavyo.

Mako 11:23 Iomraidhean Croise

Myaso 37:4

Vwaelela muli Shukulu Kalunga, co akakwana vije viwushaka.

Mateo 14:13

Omo Yesu wazivile muzimbu wa kutsa kwa Yowano, watundile ku mutambela uje mu vwato, waile mu mambo kwendi lika. Oloni omo vanu vavizivile vasezele membo avo, co vamukavele.

Mateo 17:20

Yesu wavalekele ngwendi, “Omwo kukulaela kweni kwakundondo. Mwa vushunga njimileka ngwange nga kukulaela kweni kunapu kwakama ngwe kanona ka mbuto ya musalata, mwasa kwendeka ku munkinda ngweni, ‘Tunda kuno, ya kuje.’ Co ukaya, co nga nacimo cai cimukonwa!

Mateo 21:21

Co Yesu wavakumbulwile ngwendi, “Mwa vushunga njimileka ngwange, nga mukulaela nakujeneka vimata, mukasa kulinga evi vinjinalingi ku muti ou wa mukuyu. Co kesi evi lika embwe, oloni mukasa nameme kwendeka ku lilundu eli ngweni, ‘Katuka ulyumbile mu mema a kalunga,’ co likalyumbila vene.

Luka 17:6

Mwene wavakumbulwile ngwendi, “Nga mwakele nakukulaela kwakama ngwe mbuto ya musalata, ngwe mwasa kwendeka ku muti ou wa mukuyu ngweni, ‘Tukuka ukashimbame mu mema a kalunga!’ Co ukewo umyononoka.

Yowano 14:13

Co njikalinga cuma coshe-icoshe cije cimukalomba mu lizina lyange, ngeci vumpau vwa Tate vukasholoke ali Mwana.

Yowano 15:7

Nga mukala muli yange na majwi ange akala muli yeni, cuma coshe cimulomba mukacitambula.

1 Kolinte 13:2

Co nambe njili na vwana vwakwambulula nakuzivisisa vyuma vyakushweka, co nga njili nakukulaela kwoshe ngeci njase kushwenyesa minkinda, oloni nga kunjesi na cizemo njinapu wangoco.