Mako 11:17 - Livulu lya Shukulu Kalunga

¹⁷ Co walongesele vanu ngwendi, “Kuma kuvasonekele mu visoneka ngwavo Njambi wendekele ngwendi, ‘Njuvo yange vakaitumbula Njuvo yakulombelela vanu va miyati yoshe.’ Oloni yeni munaipwisa mwela mwakuvanda vezi!”

Mako 11:17 Iomraidhean Croise

Isaya 56:7

“Njikamitwala ku Siyone, lilundu lyange lyakujela, co njikavajolesa mu Njuvo yange yakulombelela, co njikatambula vin̄ombelo vije vimukombelela a mutula wange. Co Njuvo yange vakaitumbula Njuvo yakulombelela miyati yoshe.”

Isaya 60:7

Vimanga voshe va ku Kendale na ku Nembayote Vakavanena kuli yove mukuvakombelela. Vakavakombelela a mutula mukuvwaelelesa Shukulu Kalunga. Co njikashangazala Njuvo yange ya vumpau.

Njelemiya 7:11

Kuma mwayongola ngweni Njuvo yange yapwa mwela mwakuvanda vezi ndi? Njinamono vimulinakulinga.

Hoziya 12:7

Shukulu Kalunga alinakwendeka ngwendi, “Vanu va mu Isalele vanapu ngwe vaka-Kanana vakujeneka kwononoka, vazema kukwisa vanu vaje vaija mukulanda kuli vakevo na vipeseleso vya makuli.

Mako 11:16

co katavesele munu naumo wai ngeci ambate vivala avitise mu cipango ca Njuvo ya Shukulu Kalunga.

Luka 19:46

wendekele kuli vakevo ngwendi, “Vanasoneka mu Visoneka ngwavo Njambi wendekele ngwendi, ‘Njuvo yange vakaitumbula Njuvo yakulombelela.’ Oloni yeni munaipwisa mwela mwakuvanda vezi!”

Yowano 2:14

Mu Njuvo ya Shukulu Kalunga wawanene vanu vakele nakulandeselamo vingombe, na vimanga, na mayembe, co lalo na vaka-kulandakana vimbongo vatumbamene ku vimesa vyavo.

Yowano 2:16

co walekele vaje vakele nakulandeselamo mayembe ngwendi, “Vatuwiseni anja! Kesi mupwise Njuvo ya Tate mutambela wakulandesela!”