Mako 10:37 - Livulu lya Shukulu Kalunga

³⁷ Co vamukumbulwile ngwavo, “Omo ukatumbama a litanda lyove mu Vumwene vwove vwa vumpau, tushaka ututave tukatumbame amo nove, umo ku cilyo mukwavo ku cimoshwe.”

Mako 10:37 Iomraidhean Croise

1 Vimyene 22:19

Mikaya wamukumbulwile ngwendi, “Ololo tolilila eci cendeka Shukulu Kalunga! Njamwene Shukulu Kalunga natumbama a litanda lyendi mwilu, na tungelo twendi voshe vemanene kuli ikeye ku cilyo na ku cimoshwe.

Myaso 110:1

Shukulu Kalunga wendekele kuli shukulu yange ngwendi, “Tumbama ku livoko lyange lya cilyo, noo njifungulula vitozi vove.”

Myaso 45:9

Akati ka vanakazi va kasingimiko vali mu lipela lyove vanapu vana va vamwene, co ku litanda lya cilyo kunemana vamwene, nazala vyakuzala vya senga vya ngolinde yaivwa manene.

Mateo 19:28

Yesu wavakumbulwile ngwendi, “Mwa vushunga njimileka ngwange, omo Muna Munu akatumbama a litanda lyendi lya vumpau mu lifuti lyaliha kulutwe, asinoni neni lalo vaka-kunjikava likumi na vavali mukatumbama a matanda aje likumi na avali, mukushwana miyati ije likumi na ivali ya vanu va Isalele.

Mateo 25:31

“Omo Muna Munu akaija mu vumpau vwendi amo na tungelo twendi voshe, akatumbama a litanda lyendi lya vumwene.

Mako 10:36

Co Yesu wavehwile ngwendi, “Vika mushaka ngeci njimilingilevyo?”

Mako 16:19

Ngecivene, omo Mwene Yesu wamanesele kwendeka navo, co vamutwalele mwilu, co watumbamene ku livoko lya cilyo lya Njambi.

Mako 8:38

Nga munu akanjizivila shwamwa na vilongesa vyange akati ka cisemwa eci ca vupangala na vuvi, asinoni Muna Munu lalo nendi akamuzivila shwamwa omo akaija mu vumpau vwa Ishe amo na tungelo vakujela.”

Luka 24:26

Kuma Wakuvwavesa kapandele kuyanda a vyuma evi nakukovela mu vumpau vwendi ndi?”

1 Petulu 1:11

Vesekele manene kuzivuka simbu mukajo vikalingiwa na vatijo vikaija. Eyi ikeyo simbu ije yemikile Munzinzime wa Kilistu uje wakele muli vakevo, mukwambulula vya n̄avava ije Kilistu akayanda na vumpau vuje vukakavako.