Mako 10:33 - Livulu lya Shukulu Kalunga

³³ Wendekele ngwendi, “Tolilileni, tulinakulamata nakuya ku Yelusalema, co Muna Munu vakamwana ku mavoko a vakulunu va vaka-kukombelela na kuli valongisi va majwi a Lishiko. Co vakamuhisa nakumutwala ku kutsa, co vakamwana kuli vaka-kujeneka kukulaela,

Mako 10:33 Iomraidhean Croise

Isaya 53:3

Twamuyengwile nakumuvyana, wayandele nakuziva kuvavala. Naumo wai wakengele kuli ikeye, twamuyeluwisile ngwe kesi na seo.

Mateo 16:21

Kutunda a simbu ije, Yesu washangumukile kuleka vandongisi vendi ngwendi, “Njinapande kuya ku Yelusalema, nakuyanda manene ku mavoko a vakulunu, na kuli vakulunu va vaka-kukombelela, na kuli valongisi va majwi a Lishiko. Co vakanjitwala ku kutsa, oloni omo kuneti matangwa atatu njikasanguka.”

Mateo 26:66

Mwayongola vati?” Vakevo vamukumbulwile ngwavo, “Ali na mulonga, napande kutsa vene.”

Mateo 27:2

Co vamukutile, co vamutwalele nakumwana kuli Pilato, nguvulu wa vaLoma.

Mako 14:64

Mwalizivila laja kushaula kwendi. Mwayongola vati?” Co voshe valizivasanene ngwavo ali na mulonga napande kutsa vene.

Mako 15:1

Co alikaki mutondo-tondo vakulunu va vaka-kukombelela na vakulunu, na valongisi va majwi a Lishiko, na vaka-Munga voshe, valiwanene vwasi-vwasi nakutumba matumbe. Co vakutile Yesu mu malyenge, vamutwalele nakumwana kuli Pilato.

Mako 8:31

Asinoni Yesu washangumukile kulongesa vandongisi vendi ngwendi, “Muna Munu napande kuyanda manene, co vakulunu vakamuvyana, na vakulunu va vaka-kukombelela, na valongisi va majwi a Lishiko. Co vakamutwala ku kutsa, oloni omo kuneti matangwa atatu akasanguka.”

Mako 9:12

Co Yesu wavakumbulwile ngwendi, “Elinja napande kwija akulivanga mukuvwaesela cimweja vyuma vyoshe. Oloni omwo vikajo visoneka vyendeka ngwavyo Muna Munu akayanda manene, co vakamuvyana?

Mako 9:31

omwo wakele nakulongesa vandongisi vendi ngwendi, “Muna Munu ololo vamwana ku mavoko a vanu, co vakamutsiya. Oloni omo kuneti matangwa atatu, akasanguka.”

Luka 23:21

Oloni vatambekele ngwavo, “Mushukike a cilindakano! Mushukike a cilindakano!”

Luka 9:22

Co wendekele lalo kuli vakevo ngwendi, “Muna Munu napande kuyanda manene, co vakulunu vakamuvyana na vakulunu va vaka-kukombelela, na valongisi va majwi a Lishiko. Co vakamutwala ku kutsa, oloni munima ya matangwa atatu akasanguka.”

Yowano 18:28

Mutondo-tondo vatundisile Yesu ku njuvo ya Kayafase vamutwalele ku lipela lya nguvulu. Vamyata va vaYunda kuvakovelele mukati ka lipela, omwo kuvashakele kulijwalesa, ngeci vakase kulya Ciwano ca Pasovala.

Yowano 18:32

(Eci calingiwile ngwe majwi aje endekele Yesu akutumbula kutsa kuje akatsa apwe a vushunga.)

Yowano 19:11

Yesu wakumbulwile ngwendi, “Yove uli na moko ali yange omwo Njambi nakwanayo. Ngecivene, munalume ou nanjinena kuli yove ali na mulonga wa vuvi vwakutuvakana.”

Vilinga vya Miluwa 13:27

Omwo vanu vaje valinakuyoya mu Yelusalema na vantwama vavo omwo kuvazivukile ngeci ikeye napu Muyoyesi, nambe kuzivisisa majwi a vaka-kwimanena aje avakalava a Litangwa na Litangwa lyoshe Lyakuhwima. Nameme ngoco valingisile majwi a vaka-kwimanena kupwa a vushunga omo vawanenene Yesu mulonga.

Vilinga vya Miluwa 20:22

Co ololo, mukwononoka kuli Munzinzime Wakujela njilinakuya ku Yelusalema, kunjizivuka vika vikalingiwa kuli yange kuje.

Yakomba 5:6

Munahisa nakutsiya vanu vaka-vushunga, co kuvamivyanene.