Mako 10:24 - Livulu lya Shukulu Kalunga

²⁴ Co vandongisi valikomokelele ku majwi awa, oloni Yesu wendekele lalo ngwendi, “Vana vange, cinapu cacikalu kukovela mu Vumwene vwa Njambi!

Mako 10:24 Iomraidhean Croise

Myaso 17:14

Yove Shukulu Kalunga, njamene na livoko lyove ku vanu vaje valinakuvwaelela nakuyoya kwa ano asi. Vahise na tuyando tuje tuwavatulikila, tupwe twatungi kuli vana vavo, tupwe lalo twatungi kuli vatekulwila vavo!

Myaso 52:7

“Kengeni, munalume ou kakulaelele Njambi, oloni wakulaelele vufuko vwendi vwavungi, nakunyongesa vakwavo na muuka!”

Myaso 62:10

Kesi mukulaele mu vyuma vya vupapoki, kesi mukulaele akuwana vyuma mu ngila ya vwizi embwe, nameme kukulaela mu vufuko vwavungi.

Visimo 11:28

Vaje vakulaela a vufuko vwavo, vakatotomoka ngwe maputa a nyangao, oloni vaka-vushunga vakakola mbe, ngwe maputa a ndombo.

Visimo 18:11

Vaka-kufuka vakayongola ngeci, vufuko vwavo vwasa kuvanyunga ngwe civumbe cacilaja cakukola cakuzengeleka nganda.

Visimo 23:5

Vimbongo vyove vyasa kuhwa vwasi-vwasi, vyasa kupulula ngwe mwakapulula ngonga.

Njelemiya 9:23

Shukulu Kalunga alinakwendeka ngwendi, “Vaka-mana kesi valyalesele a mana avo, nambe vaka-nzili kesi valyalese a nzili yavo, nambe vaka-kufuka kulyalesela a vufuko vwavo,

Hambakuke 2:9

Munavindama! Munafukisa naanga yeni na vije mwambatele akupanga muuka, co munatungu membo amavwa muje muli kwoloka ngeci naanga yeni kesi vakale mu vushonde!

Zefaniya 1:18

A litangwa lije omo Shukulu Kalunga aketila vukalu vwendi vwakama, nameme siliva yavo nambe ngolinde yavo kuvikasa kuvamena. Kaye koshe kakanyonga na tuhya twa vukalu vwendi. Co vwasi-vwasi akanyongesa vanu voshe vaje vakala ano asi.

Mateo 19:25

Omo vandongisi vendi vazivile vyuma evi, valikomokelele manene, vendekele ngwavo, “Iyajo asa kwovoka?”

Mako 1:27

Co vanu voshe valikomokelele manene vashangumukile kulyendekesa umo na mukwavo ngwavo, “Vika evi? Oku kunapu kulongesa kwakuhwa ndi? Munu ou ali na moko yakushika minzinzime yakujwala, co ikeyo imwononoka!”

Mako 10:23

Co Yesu wakengele kuli vandongisi vendi, co wendekele ngwendi, “Cinapu cacikalu kuli vaka-kufuka kukovela mu Vumwene vwa Njambi!”

Luka 16:14

Omo vaFaliseo vazivile vyoshe evi, co vakevo vashendumwine Yesu, omwo vazemene vimbongo.

Yowano 13:33

Vana vange vavandondo, oloni kunjikakala neni simbu yakama. Mukanjishakezeka, oloni njimileka ololo ngwe muje njalekele vaka-kushwana va vaYunda ngwange, ‘Kumwasa kuya kuje kunjilinakuya.’

Yowano 21:5

Asinoni wendekele kuli vakevo ngwendi, “Eni vakwenje, munakwatako visi ndi?” Vakumbulwile ngwavo, “Embwe, naumo isi tunakwata wai.”

Yowano 6:60

Vandongisi vendi vavangi omo vazivile evi vendekele ngwavo, “Vilongesa evi vinapu vyavikalu. Iyajo asa kuvitolilila?”

Ngalatiya 4:19

Vana vange va cizemo! Njiilukilamo lalo, ngwe munakazi ali na mushongo wakukita mwana, njilinakuziva cifwa cimo ca mushongo omwo yeni noo cisemwa ca Kilistu vanacipanga muli yeni.

1 Timateo 6:17

Shika vaje vanafuku mu vyuma vya mwonyo ou ngeci kesi valyalese, oloni vaake cinyangavili cavo, kesi mu vyuma vya cifwa ca vufuko, oloni muli Njambi, uje muka-kushemutwisa vyuma vyoshe kuli yetu ngeci tuvivwaelele.

1 Yowano 2:1

Vana vange vavandondo, njilinakumisonekela evi, ngeci kesi mulinge vuvi, oloni nga umo alinga vuvi, tuli naumo muka-kutwimanena kuli Tate, ikeye Yesu Kilistu, muka vushunga.

1 Yowano 4:4

Oloni yeni vana vange vavandondo, munakundama kuli Njambi, co munahyana vaka-kwimanena va makuli, omwo Munzinzime uje ali muli yeni ali manene na nzili kutuvakana munzinzime uje uli muli vaje vanakundama ku kaye.

1 Yowano 5:21

Vana vange, linyungeni yeni vavenya nakutunda ku vinjambi va makuli!

Kujombolola 3:17

Omwo wendeka ngwove, ‘Yange nji muka-kufuka njapwisamo, vyoshe njitonda njilinavyo.’ Oloni yove kuuzivuka vuutu na tuyando ulinatwo! U kautu, uli na vuzu, co lalo u kapuputwa.